[X] Close
JUST IN
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS சென்னையில் பெட்ரோல் லிட்டருக்கு ரூ.79.46 காசுகளாகவும், டீசல் லிட்டருக்கு ரூ.75.44 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

நீட் வயது உச்சவரம்பை உறுதி செய்தது நீதிமன்றம்

neet-age-limiit-delhi-hc-confirms-medical-council-of-india-announcement

25 வயதுக்கு மேற்பட்டோர் நீட் தேர்வு எழுத முடியாது என டெல்லி உயர்நீதிமன்றம் தெரிவித்துள்ளது.

பன்னிரெண்டாம் வகுப்பு முடித்த மாணவர்கள் மருத்துவ படிப்பில் சேர வேண்டுமென்றால் நீட் தேர்வு எழுதுவது அவசியம். நீட் தேர்வு எழுதும் மாணவர்களுக்கான வயது வரம்பை இந்திய மருத்துவ கவுன்சில் அறிவித்துள்ளது. அதன்படி பொதுப்பிரிவைச் சேர்ந்தவர்கள் 25 வயதுக்கு அதிகமாக இருந்தால் நீட் தேர்வை எழுத முடியாது. இடஒதுக்கீட்டுப் பிரிவைச் சேர்ந்தவர்கள் 30 வயதுக்கு இருந்தால் நீட் தேர்வை எழுத முடியாது. ஆனால் நடந்து முடிந்த நீட் தேர்வை வயது வரம்பு இல்லாமல் அனைவருமே விண்ணப்பித்து தேர்வு எழுதியிருந்தனர். இதனிடையே, நீட் தேர்வின் வயது வரம்பு குறித்த இந்திய மருத்துவ கவுன்சிலின் அறிவிப்பை எதிர்த்து கேளராவை சேர்ந்த இருவர் டெல்லி உயர்நீதிமன்றத்தில் வழக்கு தொடர்ந்திருந்தனர்.

இந்த வழக்கு இன்று விசாரணைக்கு வந்தபோது இந்திய மருத்துவ கவுன்சிலின் அறிவிப்பை உறுதி செய்து டெல்லி உயர்நீதிமன்றம் உத்தரவிட்டுள்ளது. அதன்படி பொதுப்பிரிவில் 25 வயதிற்கு மேற்பட்டோர் நீட் தேர்வு எழுத முடியாது. இடஒதுக்கீட்டு பிரிவில் 30 வயதிற்கு மேற்பட்டோர் நீட் தேர்வு எழுத முடியாது.

முன்னதாக நீட் வயது உச்சவரம்பு தொடர்பான மருத்துவ கவுன்சிலின் அறிவிப்பை எதிர்த்து உச்சநீதிமன்றத்தில் பலர் மனுத் தாக்கல் செய்திருந்தனர். அப்போது மருத்துவ கவுன்சிலின் முடிவில் தலையீடு முடியாத என தெரிவித்த உச்சநீதிமன்றம், வேண்டுமென்றால் இதுபோன்ற வழக்குகளுக்கு உயர்நீதிமன்றத்தை நாடலாம் என தெரிவித்தது. அதனைத்தொடர்ந்து மருத்துவ கவுன்சிலின் அறிவிப்புக்கு எதிர்ப்பு தெரிவித்து கேளராவை சேர்ந்த இருவர் டெல்லி உயர்நீதிமன்றத்தை நாடினர். இந்த வழக்கு கடந்த பிப்ரவரி மாதம் விசாரணைக்கு வந்தபோது இந்திய மருத்துவ கவுன்சிலின் அறிவிப்புக்கு இடைக்காலத் தடை விதித்து டெல்லி உயர்நீதிமன்றம் உத்தரவிட்ட நிலையில் இன்று தீர்ப்பு வெளியாகி உள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close