[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

தேர்தல் நேரத்தில் கலவரம் வரும்: உச்சநீதிமன்றத்தில் மத்திய அரசு

cauvery-management-board-delay-central-blames-karnataka-assembly-election

காவிரி மேலாண்மை வாரியம் அமைப்பது தொடர்பாக விளக்கம் கேட்டு உச்சநீதிமன்றத்தில் வழக்கு தொடர்ந்துள்ள மத்திய அரசு உச்சநீதிமன்ற தீர்ப்பை அமல்படுத்த மூன்று மாத கால அவகாசமும் கோரியுள்ளது.


காவிரி மேலாண்மை வாரியம் அமைப்பதற்காக உச்சநீதிமன்றம் அளித்த அவகாசம் 29ம் தேதியுடன் முடிவடைந்த நிலையில் மத்திய அரசு உச்சநீதிமன்றத்தில் மனு ஒன்றை தாக்கல் செய்துள்ளது. இதில் கர்நாடகா சட்டப்பேரவைக்கு தேர்தல் அறிவிக்கப்பட்டிருப்பதை சுட்டிக்காட்டியுள்ள மத்திய அரசு, காவிரி உணர்வுப்பூர்வமான பிரச்னை என்றும், இந்தப் பிரச்னை கடந்த காலங்களில் மிக மோசமான சட்ட ஒழுங்கு பிரச்னைகளை ஏற்படுத்தி உயிர்களுக்கும், சொத்துகளுக்கும் சேதமேற்படுத்தியதாக கூறப்பட்டுள்ளது. மாநில தேர்தல் நேரத்தில் மத்திய அரசு காவிரி விவகாரத்தில் ஒரு அமைப்பை உருவாக்கி அறிவிக்கை வெளியிட்டால் அது பெரும் கலவரமாக வெடித்து, தேர்தல் நடவடிக்கையை பாதித்து சட்டம் ஒழுங்கு பிரச்னையை ஏற்படுத்தும் என மத்திய அரசு அஞ்சுவதாக கூறப்பட்டுள்ளது. 

இந்த சூழலில், காவிரி நதிநீர் பங்கீடு தீர்ப்பாயம் அளித்த தீர்ப்பில் கூறப்பட்டுள்ள காவிரி மேலாண்மை வாரியத்திற்கு மாறாக மாநிலங்களுக்கிடையேயான நதிநீர் சர்ச்சைகள் சட்டம் 1956 பிரிவு 6A -வின் கீழ் வேறு திட்டம் ஒன்றை உருவாக்க மத்திய அரசுக்கு உரிமை உள்ளதா என விளக்கவேண்டும் எனவும் கோரப்பட்டுள்ளது. ஒருவேளை தீர்ப்பாயம் கூறியது போல் காவிரி மேலாண்மை வாரியம்தான் அமைக்கப்படவேண்டும் என்றால் தீர்ப்பாயம் கூறியதுபோல் ஒரு முழுமையான தொழில்நுட்ப அமைப்பாக இல்லாமல், மேலாண்மை வாரியம் திறம்பட செயல்பட வசதியாக பிரச்னையின் தன்மையை கருத்தில் கொண்டு நிர்வாக மற்றும் தொழில்நுட்ப குழுவாக மாற்றம் செய்ய அரசுக்கு உரிமை உள்ளதா என்றும் கேள்வி எழுப்பப்பட்டுள்ளது. 

மாநிலங்களுக்கிடையேயான நதிநீர் சர்ச்சை சட்டம் பிரிவு 6A-வின் கீழ் மத்திய அரசால் உருவாக்கப்படும் வாரியத்திற்கு, காவிரி நதிநீர் தீர்ப்பாயம், காவிரி மேலாண்மை வாரியத்திற்கு பரிந்துரைக்கப்பட்ட கடமைகளிலிருந்து வேறு கடமைகளும் இருக்கலாமா என்றும் மத்திய அரசு விளக்கம் கோரியுள்ளது. புதிய திட்டம் உருவாக்குவது தொடர்பாக மாநிலங்கள் வெவ்வேறு கருத்துகளை தெரிவித்து வரும் சூழலில், உச்சநீதிமன்றம் வேறு வழிகாட்டுதல் அல்லது உத்தரவுகளை தரலாம் என்றும் மத்திய அரசின் மனுவில் தெரிவிக்கப்பட்டுள்ளது. காவிரி விவகாரத்தில் உச்சநீதிமன்றம் கடந்த மாதம் 16ம் தேதி அளித்த தீர்ப்பை அமல்படுத்த மூன்று மாத காலம் அவகாசம் கோரியுள்ளது.

Advertisement:
Related Tags : Cauvery management boardCauvery
Advertisement:
Advertisement:
[X] Close