[X] Close
JUST IN
  • BREAKING-NEWS 3 குழந்தைகளை விற்றதாக ராசிபுரத்தில் கைதான குழந்தை விற்பனை தரகர் அமுதா வாக்குமூலம்; விருப்ப ஓய்வுபெற்ற செவிலியரும் தரகருமான அமுதாவிடம் போலீசார் தீவிர விசாரணை
  • BREAKING-NEWS சர்வதேச உலகக்கோப்பை துப்பாக்கி சுடுதல் போட்டியில் கலப்பு இரட்டையர் பிரிவில் 10 மீட்டர் ஏர் ரைஃபிள் போட்டியில் இந்தியாவின் மனு பாகர், சவுரப் சவுத்ரி தங்கம் வென்றனர்
  • BREAKING-NEWS இணையதள குற்றங்களை தடுப்பது தொடர்பாக சமூக வலைதள பிரதிநிதிகளுடன் தலைமைச்செயலாளர் ஆலோசனை நடத்தி ஜூன் 6ல் அறிக்கை தர வேண்டும் - சைபர் குற்றங்களை தடுக்க சமூகவலைதள கணக்குகளில் ஆதார் எண்ணை இணைக்க கோரிய வழக்கில் சென்னை உயர்நீதிமன்றம் உத்தரவு
  • BREAKING-NEWS இலங்கையின் நுவரெலியா நகரில் ஹவேலியா பகுதியில் 200 டெட்டனேட்டர்கள் கண்டெடுப்பு
  • BREAKING-NEWS இலங்கையின் கொழும்பு கடற்கரை முத்துவாரம் பகுதியில் கொழும்பு குற்றத்தடுப்பு பிரிவு, சிறப்பு அதிரடிப்படை மேற்கொண்ட அதிரடி சோதனையில் ஆயுதங்களுடன் மூவர் கைது
  • BREAKING-NEWS உச்சநீதிமன்ற தலைமை நீதிபதி ரஞ்சன் கோகாய் மீதான பாலியல் புகாரை விசாரிக்க இருந்த குழுவிலிருந்து நீதிபதி ரமணா விலகல்; நீதிபதி ரமணா விலகலால் நாளை தொடங்கவிருந்த விசாரணையில் தாமதம் ஏற்படலாம் என தகவல்
  • BREAKING-NEWS வாரணாசி மக்களவை தொகுதியில் பிரதமர் மோடிக்கு எதிராக பிரியங்கா காந்தி போட்டியில்லை; மோடியை எதிர்த்து அஜய்ராய் போட்டி

காதலியை துப்பாக்கியால் சுட்ட காதலன்: கொள்ளையர்கள் தாக்கியதாக நாடகம்

man-shoots-at-girlfriend-s-leg-both-cook-up-robbery-tale

காதலியை துப்பாக்கியால் சுட்டுவிட்டு கொள்ளையர்கள் சுட்டதாக காதலனும், காதலியும் நாடகமாடய சம்பவம் டெல்லியில் நடந்துள்ளது.

டெல்லியை சேர்ந்த காதலர்கள் பியா மல்கோத்ரா, பன்டி குரோவர். கடந்த ஞாயிற்றுக்கிழமை காவல்நிலையம் சென்ற பன்டி குரோவர் தனது காதலியை நான்கு பேர் கொண்ட கும்பல் தாக்கியதாக கூறியுள்ளார். இதுகுறித்து பியாவிடம் காவலர்கள் விசாரித்தபோது, தனது காதலர் பன்டி குரோவர் மற்றும் அவரது நண்பருடன் ஒரு பிறந்தநாள் விழாவுக்கு சென்றுவிட்டு திரும்பியதாகவும், வரும் வழியில் நான்கு பேர் கொண்ட கும்பல் தங்களை வழிமறித்து கொள்ளையில் ஈடுபட்டதாகவும் அப்போது ஒருவன் மல்கோத்ராவின் காலில் துப்பாக்கியால் சுட்டதாகவும் தெரிவித்தார்.

இதனையடுத்து காவலர்கள் பியா மல்கோத்ரா சுடப்பட்டதாக சொன்ன பகுதியில் உள்ள சிசிடிவி கேமராவில் பதிவான காட்சிகளை ஆய்வு செய்ததில் எந்த துப்பும் கிடைக்கவில்லை. இரண்டு நாட்களாக கொள்ளையர்களை காவல்துறையினர் தீவிரமாக தேடி வந்தனர். இந்நிலையில் குரோவரை சம்பவம் நடந்ததாக கூறப்படும் இடத்திற்கு தங்களை அழைத்து செல்லுமாறு காவலர்கள் தெரிவித்துள்ளனர். ஆனால் இதுகுறித்து அவர்களிடம் இருந்து எந்த பதிலும் வரவில்லை. பிறகு மூன்று பேரிடமும் காவல்துறையினர் தனித்தனியே விசாரணை மேற்கொண்டனர். அப்போது மூவரும் சொன்ன பதில் முன்னுக்கு பின் முரணாக இருந்துள்ளது. காவல்துறையினரின் கிடுக்கிபிடி விசாரணையில் நடந்த சம்பவத்தை அவர்கள் தெரிவித்துள்ளனர்.

குரோவரும், பியாவும் காதலர்கள். குரோவர், பெண் ஒருவரை கொலை செய்ய முயன்றதாக கைது செய்யப்பட்டு கடந்த 5 மாதங்களுக்கு முன்பு தான் ஜாமீனில் வெளிவந்துள்ளார். சிறையில் அவருக்கு தியாகி என்பவருடன் பழக்கம் ஏற்பட்டுள்ளது. இந்நிலையில் குரோவரும், தியாகியும் சனிக்கிழமை அன்று டெல்லியில் உள்ள சுதர்தன் பூங்கா பகுதியில் மது அருந்தியுள்ளனர். அப்போது மதுபோதையில் இருந்த குரோவருக்கும், பியாவுக்கு இடையே சண்டை ஏற்பட்டுள்ளது. பியாவுக்கு, குரோவர் மது அருந்துவது பிடிக்காததால் அவனுடன் வாக்குவாதத்தில் ஈடுபட்டுள்ளார். இதனால் ஆத்திரமடைந்த காதலன் தனது நண்பர் வைத்திருந்த துப்பாக்கியால் பியாவின் காலில் சுட்டுள்ளான். காயமடைந்த பியாவை அவனே மருத்துவமனைக்கு அழைத்துச் சென்றுள்ளான். பியாவை பரிசோதித்த மருத்துவர்கள் குண்டு காயம் இருப்பதால் சிகிச்சை அளிக்க மறுத்துள்ளனர். இதனையடுத்து மூவரும் கூடி பேசி இந்த கொள்ளை கதையை தயாரித்துள்ளனர்.

Advertisement:
Advertisement:
Advertisement:
[X] Close