[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

வாக்குப்பதிவு இயந்திரத்தை ஹேக் செய்வது எப்படி? டெமோ காட்டிய ஆம் ஆத்மி எம்.எல்.ஏ.

evm-can-temper-aap-mla-demonstrate-at-delhi-assembly

இந்திய ஜனநாயகத்தின் ஆணிவேராகக் கருதப்படும் வாக்குப்பதிவு இயந்திரத்தில் முறைகேடு செய்வது எப்படி என்று டெல்லி சட்டசபையில் ஆம் ஆத்மி எம்.எல்.ஏ. செயல்முறை விளக்கம் செய்து காட்டினார்.

டெல்லி முதலமைச்சர் அரவிந்த் கெஜ்ரிவால் மீது, அவரால் பதவி நீக்கப்பட்ட அமைச்சர் கபில் மிஸ்ரா 2 கோடி ரூபாய் லஞ்சம் பெற்றதாக புகார் கூறியிருந்தார். இந்த பரபரப்பான சூழலில், மின்னணு வாக்குப்பதிவு இயந்திரத்தில் முறைகேடு செய்ய வாய்ப்புள்ளது குறித்து விவாதிக்க பேரவையின் சிறப்புக் கூட்டத்தைக் கூட்ட கெஜ்ரிவால் அரசு அழைப்பு விடுத்தது.

அதன்படி கூட்டப்பட்டுள்ள கூட்டத்தில் பரபரப்பான சம்பவங்கள் அரங்கேறி வரும் நிலையில், மின்னணு வாக்குப்பதிவு இயந்திரத்தில் முறைகேடு செய்ய இயலும் என்பதை நிரூபிக்கும் வகையில் செயல்முறை விளக்கம் அளிக்கப் போவதாக ஆம் ஆத்மி எம்எல்ஏ ஒருவர் அறிவித்திருந்தார். அதன்படி, பேரவையில் அவர் செயல்முறை விளக்கம் செய்துக் காட்டினார். செய்முறை விளக்கத்தில் வாக்காளர்கள் வாக்களித்த பிறகு வாக்குப்பதிவு இயந்திரத்தில் ரகசிய எண்ணை(பாஸ்வேர்ட்) பதிவு செய்து எந்த வேட்பாளருக்கு எவ்வளவு வாக்குகள் வேண்டுமோ, எந்த வேட்பாளரை வெற்றியடையச் செய்ய வேண்டுமோ, அவர்களுக்கு வாக்காளர்களின் வாக்குகளை மாற்றி விடலாம் என்பதை செய்து காட்டினார்.

உதாரணமாக வாக்காளர்கள் ஆம் ஆத்மிக்கு 10 வாக்குகள், பிஎஸ்பிக்கு 2, பிஜேபிக்கு 3, காங்கிரசுக்கு 2 என்று வாக்களித்துள்ளனர் என்று வைத்துக்கொள்வோம், வாக்குப்பதிவு முடிந்த பிறகு ரகசிய எண்ணைப் பயன்படுத்தி ஆம் ஆத்மிக்கு 2, பிஎஸ்பிக்கு 2, பிஜேபிக்கு 11, காங்கிரசுக்கு 2 என்று மாற்ற முடியும் என்பதை வாக்குப்பதிவு இயந்திரத்தின் மூலம் செயல்முறை விளக்கம் செய்து காட்டினார்.

வாக்குப்பதிவு இயந்திரத்தின் ரகசிய எண் தெரிந்த ஒரு திறமையான கணினி பொறியாளராக இருந்தால் இதுபோன்ற முறைகேட்டில் சுலபமாக ஈடுபடலாம் என்றும் ஆம் ஆத்மி எம்.எல்.ஏ. பரத்வாஜ் தெரிவித்தார்.

டெல்லி சட்டசபையில் செயல்முறை விளக்கம் செய்து காண்பிக்கப்பட்ட வாக்குப்பதிவு இயந்திரம், இந்திய தேர்தல் ஆணையம் பயன்படுத்தும் இயந்திரமே அல்ல என்று தேர்தல் ஆணைய வட்டாரங்கள் தெரிவிக்கின்றன.

Advertisement:
இது தொடர்பான செய்திகள் :
Advertisement:
Advertisement:
[X] Close