[X] Close
JUST IN
  • BREAKING-NEWS நாடு முழுவதும் ஒரே நேரத்தில் தேர்தல் என்பது தேர்தல் ஆணையத்தின் செலவை குறைக்கும், நேரத்தையும் குறைக்கும்- திருமாவளவன்
  • BREAKING-NEWS ஒரே சமயத்தில் மக்களவை மற்றும் மாநில சட்டசபைகளுக்கு தேர்தல் நடத்துவது குறித்து மீண்டும் ஆலோசனை நடத்த மோடி அரசு முடிவு
  • BREAKING-NEWS மீன்பிடி தடைக்கால நிவாரண தொகையாக மீனவர் குடும்பம் ஒன்றுக்கு ரூ.5000 வழங்கப்படும்- தமிழக அரசு
  • BREAKING-NEWS நிதி ஆயோக் கூட்டத்தில் தமிழக மக்களின் உணர்வுகளை முதல்வர் பழனிசாமி எதிரொலிக்கவில்லை- திமுக தலைவர் மு.க.ஸ்டாலின்
  • BREAKING-NEWS பொறியியல் படிப்பிற்கான தரவரிசைப் பட்டியல் ஜூன் 20ம் தேதி வெளியிடப்படும்- அமைச்சர் கே.பி.அன்பழகன்
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி

“மன அழுத்தம் ஏற்படுத்தும் புதிய வகை சிக்கல்கள்” - ஆஸ்திரேலிய ஆய்வு முடிவு

comfort-food-leads-to-more-weight-gain-during-stress-says-study

மன அழுத்தத்திலுள்ள போது அதிக கலோரி உணவுகளை உட்கொண்டால் உடல் எடை அதிகரிக்கும் என ஒரு ஆய்வு முடிவின் மூலம் தெரியவந்துள்ளது.

பெரும்பாலான மக்கள் சந்திக்கும் உடல் சாந்த முக்கிய பிரச்னை அதிக உடல் எடை. இதற்குப் பல காரணங்கள் உள்ளன. இதற்கு அதிக பேர் நம்புகின்ற ஒரே காரணம் அதிக உணவை உட்கொள்வது. அத்துடன் சரியான உடற்பயிற்சி இல்லாதது. இவை இரண்டும்தான் பிரதான காரணம் என நினைக்கிறார். இதன் உண்மை தன்மையை உறுதி செய்ய மக்களின் உணவு பழக்கம் குறித்து உலகளவில் சில ஆய்வுகள் நடத்தப்பட்டு வருகின்றன. அந்தவகையில் தற்போது ஒரு ஆய்வில் சுவாரஸ்யமான தகவல் ஒன்று தெரியவந்துள்ளது. 

அதன்படி நாம் மன அழுத்தத்திலிருக்கும் போது அதிக கலோரி கொண்ட உணவு பொருட்களை உட்கொண்டால் உடல் எடை அதிகரிக்கும் எனத் தெரியவந்துள்ளது. இது தொடர்பாக ‘கார்வென் இன்ஸ்டிடியூட் ஆஃப் மெடிகல் ரிசர்ச்’ என்ற அமைப்பு ஆய்வை நடத்தியுள்ளது. அதில் எலியை வைத்து ஒரு சோதனை செய்யப்பட்டுள்ளது. அப்போது அந்த எலி மன அழுத்ததுடன் இருந்த போது உயர்ந்த கலோரி உணவை எடுத்து கொண்டால் அதன் உடல் எடை அதிகரித்துள்ளது. ஆனால் இதே உணவை அந்த எலி சாதாரண மனநிலையில் உள்ளபோது உட்கொண்ட போது உடல் எடை அதிகரிப்பது சற்று குறைந்துள்ளது. 

இது குறித்து ஆய்வாளர்கள், “மன அழுத்தத்தின் போது மூளைக்குச் செல்லும் பாதையிலுள்ள இன்சூலின் இந்த எடை அதிகரிப்பதற்கு காரணம்” எனத் தெரிவித்துள்ளனர். அதாவது மன அழுத்தம் அதிகரிக்கும் போது மூளையிலுள்ள என்.பி.ஒய் மாலிக்குள் சுரப்பை இன்சூலின் அதிகரிக்கிறது. இந்த என்.பி.ஒய் மாலிக்குள் அதிகமாகும் போது உயர்ந்த கலோரி கொண்ட உணவை உட்கொண்டால் அது உடல் பருமனுக்கு வழி வகுக்கும் எனத் தெரிவிக்கப்பட்டுள்ளது. 

ஆகவே நாம் மன அழுத்ததிலுள்ள போது உட்கொள்ளும் உணவில் அதிக கவனத்தை கடைப்பிடிக்க வேண்டும் என்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close