[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

டன் கணக்கில் கொட்டப்படும் கேரள மருத்துவ கழிவுகள் ; கண்டு கொள்ளாத அதிகாரிகள்

kerala-using-tamilnadu-to-dump-its-medical-waste

நெல்லை மாவட்டம் வள்ளியூர்  ஊராட்சி ஒன்றியம்   கோவன்குளம்  பஞ்சாயத்திற்கு உட்பட்ட வில்வனம்புதுர் அருகில் செயல்படாத கல்குவாரிகள் பல உள்ளன. கேரளாவில் இருந்து மருத்துவக்கழிவுகளை ஏற்றி வரும் லாரிகள், அங்குள்ள கல்குவாரிகளில் கழிவுகளை கொட்டி விட்டுச்செல்வதாக மக்கள் புகார் தெரிவிக்கின்றனர்.  அப்பகுதியைச் சேர்ந்த முக்கிய பிரமுகர்கள் பணத்தை பெற்றுக்கொண்டு தாங்கள் ஏலம் எடுத்த கல்குவாரிகளில்கேரளாவிலிருந்து கொண்டு வரப்பட்ட மருத்துவ கழிவுகளை கொட்டி மிகப்பெரிய சுகாதார சீர் கேட்டை ஏற்படுத்தி வருவதாக கூறப்படுகிறது.

இதனால்அப்பகுதியைச் சுற்றியுள்ள கிராமங்களான , வில்வனம்புதூர் , தங்கையம்,கன்னத்திகுளம், சித்தூர் சீயோன்மலை,கண்ணநல்லுர் ஆகிய பகுதிகளில்  துர்நாற்றம் வீசி தொற்றுநோய்கள் ஏற்படும் அபாயம் உள்ளது. இக்கிராமங்களை சுற்றி பல ஏக்கர் விவசாய நிலங்களும் மேய்ச்சல் நிலங்கள் இக்கல்குவாரிகளை சுற்றியே உள்ளன. இதனால் இவை அனைத்துமே பாழாகிபோகும் சூழ்நிலை உருவாகி உள்ளது . 

இரவு நேரங்களில் கழிவுகளை கொட்டுவது மட்டுமல்லாமல் தீ வைத்து விடுவதால் வில்வவனம்புதூர்  மற்றும் அதனை சுற்றியுள்ள கிராமங்களில் புகையினால் மூச்சு திணறல் ஏற்படுவதாவும் கூறப்படுகிறது. அருகில் உள்ள நீர் நிலைகளும் மாசு அடைந்து வருவதாவும் இதனால் ஆடு மாடுகள் நோய் வாய்ப்படுவதாகவும் புகார் எழுந்துள்ளது. ஆகவே சுற்று சூழல் அதிகாரிகள் ,மற்றும்   மாவட்ட நிர்வாகம் இப்பகுதியில் கொட்டப்பட்டு வரும் மருத்துவ கழிவுகளை அழித்து தொற்று நோய்கள் ஏற்படாமல் தடுத்து மருந்துகழிவுகளை ஏற்றி வரும் வாகனங்களை பறிமுதல் செய்து அவர்கள் மீது தகுந்த நடவடிக்கை எடுக்குமாறு பொதுமக்கள் கோரிக்கை விடுத்தனர். 

சேரன்மகாதேவி சப் கலெக்டர் ஆகாஷ் , ராதாபுரம் தாசில்தார் ஆகியோர் மக்கள் கொடுத்த புகாரில் கல்குவாரிக்கு நேரில் வந்து ஆய்வு மேற்கொண்டனர்.  கழிவுகள் எங்கிருந்து கொண்டு வரப்படுகிறது ?, யார் மூலம் கொண்டு வந்து கொட்டப்பட்டது என்பது குறித்து  காவல் நிலையத்தில் புகார் அளிக்கப்படும் என்றும் அதன்பிறகு கழிவுகளை அகற்றுவது குறித்து நடவடிக்கை எடுக்கப்படும் என்று கூறினார்.

இந்நிலையில் மருத்துவக் கழிவுகளை மண்ணை கொண்டு மூடும் பணியில் அரசுப் பணியாளார்கள் ஈடுபடுள்ளனர். இதனால் மண் வளம் பாதிக்கப்பட வாய்ப்புள்ளதாகவும், முறையாக அகற்றப்படாவிட்டால் விவசாயமும் பாதிக்கப்படும் என மக்கள் அச்சம் தெரிவிக்கின்றனர்.
 

தகவல் - காமராஜ், ராஜூ கிருஷ்ணா , புதிய தலைமுறை நெல்லை செய்தியாளர்கள்

 

Advertisement:
இது தொடர்பான செய்திகள் :
Advertisement:
Advertisement:
[X] Close