[X] Close
JUST IN
  • BREAKING-NEWS சென்னை ஐஐடி மாணவி பாத்திமா தற்கொலை வழக்கு சிபிஐ விசாரணைக்கு மாற்றம்
  • BREAKING-NEWS லண்டனில் நடைபெற்ற மிஸ் வேர்ல்டு அழகிப் போட்டியில் மகுடம் சூடினார் ஜமைக்கா பெண். இந்திய அழகி சுமா ராவ் மூன்றாம் இடம் பிடித்தார்
  • BREAKING-NEWS கோவை அருகே தேக்கம்பட்டியில் தொடங்கியது கோயில் யானைகளின் வருடாந்திர நலவாழ்வு முகாம். இயற்கை எழில் மிகுந்த சூழலில் 28 யானைகள் உற்சாக கொண்டாட்டம்
  • BREAKING-NEWS அசாமை தொடர்ந்து மேற்கு வங்காளத்திலும் குடியுரிமை சட்டத்திற்கு எதிரான போராட்டங்கள் தீவிரம்
  • BREAKING-NEWS உள்ளாட்சித் தேர்தலில் போட்டியிட இதுவரை ஒரு லட்சத்து 65 ஆயிரம் பேர் வேட்பு மனுத் தாக்கல். நாளையுடன் வேட்பு மனுத் தாக்கல் நிறைவடைகிறது

வீடு, வாகனக் கடன்களுக்கான வட்டி குறைகிறது?

home-and-car-loan-interest-may-decrease

வங்கிகளுக்கு ரிசர்வ் வங்கி வழங்கும் குறுகிய கால கடன்களுக்கான வட்டி விகிதம் 0.25 சதவிகிதம் குறைக்கப்பட்டுள்ளது. தொடர்ந்து 5-ஆவது முறை வட்டிக் குறைப்பு இதுவாகும். இதனால், வீடு வாகனக் கடன்களுக்கான வட்டி குறைய வாய்ப்புள்ளது.

மும்பையி‌ல் நடைபெற்ற ரிசர்வ் வ‌ங்கி நிதிக்கொள்கை ஆய்வுக் கூட்ட முடிவில் வட்டிக்குறைப்பு அறிவிப்பு வெளியாகியுள்ளது. வங்கிகளின் குறுகிய காலக் கடன் வட்டி விகிதமான ரெப்போ 5.40 சதவிகிதமாக உள்ள நிலையில், அது 5.15 சதவிகிதமாகக் குறைக்கப்படுவதாக அறிவிக்கப்பட்டுள்ளது. இதற்கு முந்தைய நான்கு நிதிக்கொள்கை கூட்டங்களிலும் மொத்தம் 1.15 சதவிகிதம் கடன் வட்டி குறைக்கப்பட்டுள்ளது.

நடப்பு நிதியாண்டின் பொருளாதார வளர்ச்சி 6.9 சதவிகிதமாக இருக்கும் என்று ஏற்கெனவே கணிக்கப்பட்டிருந்த நிலையில், தற்போது 6.1 சதவிகிதமாக குறைத்து ரிசர்வ் வங்கி கணித்துள்ளது. பொருளாதார வளர்ச்சியை விரைவுபடுத்தும் வகையில் தொடர்ந்து கடன் வட்டியை ரிசர்வ் வங்கி குறைத்து வருகிறது. ரிசர்வ் வங்கியின் நடவடிக்கையால் வீடு, வாகனக் கடன்களுக்கான வட்டியை வங்கிகள் குறைக்க வாய்ப்புள்ளது.

10 மாதங்களில் மொத்தமாக 1.35 சதவிகிதம் வட்டி குறைக்கப்பட்டுள்ள நிலையில், அதன் பயனை வாடிக்கையாளர்களுக்கு வங்கிகள் வழங்க ரிசர்வ் வங்கி வலியுறுத்தி வருகிறது. கடன் வட்டி குறைக்கப்பட்டால், தொழில் துறை, கட்டுமானத் துறைகள் வளர்ச்சி பெற்று வேலைவாய்ப்பு அதிகரிக்கும் என மத்திய அரசு கருதுகிறது.

Advertisement:
Advertisement:
Advertisement:
[X] Close