[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

அரசுப் பேருந்தில் கியர் கம்பிக்கு பதிலாக 'மரக்குச்சி'

wooden-gear-using-in-government-bus-instead-of-iron-rod

மதுரை மாவட்டம் மேலூரில் கியர் கம்பிக்கு பதிலாக மரக்குச்சியை வைத்து அரசு பேருந்து இயக்கப்பட்டது பயணிகளிடையே அதிர்ச்சியை ஏற்படுத்தியுள்ளது.

மதுரை மாவட்டம் மேலூர் அரசு போக்குவரத்து கழக பணிமனையில் 53 பேருந்துகள் இயங்கி வருகின்றன. இங்கு உள்ள அரசு நகர பேருந்துகள் ஓட்டை உடைசலான பேருந்துகளாகவே உள்ளதாக புகார் எழுந்துள்ளது. நடுவழியில் நிற்பதும் , மழை நீர் பேருந்தினுள் வடிவதும் , இங்கு வாடிக்கையான ஒன்றாகவே உள்ளது. இந்நிலையில் போக்குவரத்துக்கு பயனற்ற பேருந்து ஒன்று மிகவும் ஆபத்தான நிலையில் பயணிகளுடன் இயங்குவது பேருந்து பயணிகளிடையே அச்சத்தை ஏற்படுத்தியுள்ளது.

மேலூரில் இருந்து சேக்கிப்பட்டிக்கு செல்லும் அரசு பேருந்தின் நிலைதான் இது. பேருந்தின் கியர் கம்பி உடைந்து விட்ட நிலையில், அதற்கு பதிலாக மரக்குச்சியை பயன்படுத்தி ஆபத்தை உணராமல் பேருந்து இயக்கப்பட்டது தெரியவந்துள்ளது. மரக்குச்சி கழன்று விடாமல் இருக்க பயணி ஒருவர் அதனை பிடித்தவாறு பயணித்ததாகவும் கூறப்படுகிறது.

இந்த அதி நவீன பேருந்து குறித்து ஓட்டுநரிடம் கேட்டதற்கு, அதிகாரிகளுக்கு தகவல் தெரிவித்தும் மாற்று பேருந்துக்கு ஏற்பாடு செய்யவில்லை என்றும் வேறு வழியில்லாமல் இப்படி பேருந்தை இயக்கும் நிலை ஏற்பட்டதாகவும் ஓட்டுநர் தெரிவித்தார்.

மரக்குச்சி கியரை புகைப்படம் எடுத்து பயணி ஒருவர் சமூக வலைதளங்களில் பதிவிட்டுள்ளார். அந்த புகைப்படம் சமூகவலைதளங்களில் வைரலாகி பரவி வருகின்றது. ஆபத்தை உணர்ந்து போக்குவரத்துத் துறை அதிகாரிகள் உடனடியாக நடவடிக்கை எடுக்கவேண்டும் என பொதுமக்கள் சார்பில் கோரிக்கை எழுந்துள்ளது

Advertisement:
இது தொடர்பான செய்திகள் :
Advertisement:
Advertisement:
[X] Close