[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

“பாஜகவிடமிருந்து நாட்டை காப்பற்ற எதையும் செய்வோம்” - கெஜ்ரிவால் 

on-alliance-with-congress-delhi-cm-arvind-kejriwal-says-will-do-anything-to-defeat-bjp

பாஜகவிடமிருந்து நாட்டை காப்பற்றுவதற்கு என்னவேண்டுமானலும் செய்வோம் என்று டெல்லி முதலமைச்சர் அரவிந்த் கெஜ்ரிவால் தெரிவித்துள்ளார்.

நாடாளுமன்றத் தேர்தல் களம் சூடுபிடித்துள்ளது. முதற்கட்ட தேர்தல் கடந்த 11ஆம் தேதி நடைபெற்று முடிந்துள்ளது. இந்தத் தேர்தலில் வாக்குப் பதிவு இயந்திரங்கள் சில இடங்களில் சரியாக செயல்படவில்லை எனப் புகார்கள் எழுந்தன. இதுகுறித்து ஆலோசிக்க இன்று டெல்லியில் எதிர்க்கட்சிகள்  கூட்டம் நடந்தது.


 
இதனைத் தொடர்ந்து டெல்லியில் இன்று டெல்லி முதலமைச்சர் அரவிந்த் கெஜ்ரிவால் செய்தியாளர்களை சந்தித்தார். அப்போது அவர், “இந்திய நாடு தற்போது ஆபத்தான நிலையில் உள்ளது. அதனால் இந்திய நாட்டை பாஜகவிடம் இருந்து காப்பாற்ற ஆம் ஆத்மி கட்சி என்ன வேண்டுமானாலும் செய்யும்” எனத் தெரிவித்தார்.

இந்தச் செய்தியாளர் சந்திப்பில் கெஜ்ரிவாலுடன் காங்கிரஸ் தலைவர்கள் கபில் சிபல் மற்றும் அபிஷேக் சிங்க்வி ஆகியோர் உடனிருந்தனர். டெல்லியில் காங்கிரஸ், ஆம் ஆத்மி இடையே கூட்டணி குறித்து அவர்களிடம் கேட்கப்பட்டது. அப்போது கபில் சிபல், “கூட்டணி குறித்து கெஜ்ரிவாலிடம்தான் கேட்க வேண்டும்” எனத் தெரிவித்தார். அபிஷேக் சிங்க்வி, “டெல்லியில் காங்கிரஸ் கட்சியின் நிலை குறித்து அனைவரும் அறிவர். டெல்லியில் கூட்டணி உறுதியான நிலை ஏற்பட்டிருந்தது. எனினும் அதை மற்ற மாநிலங்களுடன் சேர்த்து பார்த்தப் போது கூட்டணி சரியாக இல்லை” எனக் கூறினார்.

முன்னதாக டெல்லியில் ஆம் ஆத்மி மற்றும் காங்கிரஸ் இடையே கூட்டணியில் இழுபறி நீடித்துவந்தது. இதனையடுத்து டெல்லிக்கான காங்கிரஸ் கட்சியின் பொறுப்பாளர் பி.சி. சாக்கோ டெல்லியில் காங்கிரஸ் கட்சி தனித்து போட்டியிடவுள்ளது என அறிவித்தது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close