[X] Close
JUST IN
  • BREAKING-NEWS தூத்துக்குடி துப்பாக்கிச்சூடு சம்பவத்தை கண்டித்து மே 28ஆம் தேதி தேமுதிக சார்பில் அனைத்து மாவட்ட ஆட்சியர் அலுவலகம் முன் கண்டன ஆர்ப்பாட்டம் - விஜயகாந்த்
  • BREAKING-NEWS தூத்துக்குடியில் இணையதள சேவையை சீரமைப்பது குறித்து நாளைக்குள் ஆய்வு செய்து முடிவு எடுக்க வேண்டும் - உயர்நீதிமன்ற மதுரை கிளை
  • BREAKING-NEWS நெல்லையில் முடக்கப்பட்டிருந்த இணையதள சேவை சீரானது
  • BREAKING-NEWS தூத்துக்குடியில் ஸ்டெர்லைட் ஆலையை மத்திய சுற்றுச்சூழல் துறை அதிகாரிகள் ஆய்வு செய்ய உத்தரவு - மத்திய அமைச்சர் ஹர்ஷவர்தன்
  • BREAKING-NEWS சிபிஎஸ்இ 12ஆம் வகுப்பு தேர்வு முடிவுகள் நாளை வெளியீடு
  • BREAKING-NEWS நெல்லை , கன்னியாகுமரி மாவட்டங்களில் இணையதள சேவை முடக்கம் ரத்து - தமிழக அரசு
  • BREAKING-NEWS கர்நாடக சட்டப்பேரவையில் நடைபெற்ற நம்பிக்கை வாக்கெடுப்பில் குமாரசாமி வெற்றி பெற்றார்

201‌3க்கு பிறகு நடத்தப்படாத ஆசியர் தகுதித் தேர்வு.... பாதிக்கப்படும் ஆசிரியர்கள்.....

teacher-eligibility-test-issue

கட்டா‌யக் கல்வி உரிமை சட்டத்தின் படி ஒவ்வொரு ஆண்டும் இரு முறை நடத்தப்படவேண்டிய ஆசிரியர் தகுதித் தேர்வு, தமிழகத்தில் 2013க்கு‌ பிறகு நடத்தப்படவே இல்லை. இதற்குக் காரணம் என்ன? இதனால்‌ ஏற்படும் பாதிப்புகள் என்ன என்பதை பார்க்கலாம்.

தமிழகத்தில் கடும் எதிர்ப்புகளுக்கு இடையே ஆசிரியர் தகுதித் தேர்வு முறை கடந்த 2012ஆம் ஆண்டு அமல்படுத்தப்பட்டது. அரசுப் பள்ளி மாணவர்களுக்கு தரமான ஆசிரியர்களை வழங்க வேண்டும் என்பதே நோக்கம் எனக் கூறி தகுதி மதிப்பெண்ணில் இடஒதுக்கீட்டு தளர்வை முதலில் மறுத்த தமிழக அரசு, பிறகு 5% சதவீத தளர்வை வழங்கியது. தகுதித் தேர்வு அமல்படுத்தப்பட்ட உடனேயே அரசுப் பள்ளிகளிலும், அரசு உதவி பெறும் பள்ளிகளிலும் இந்த மதிப்பெண்ணின் அடிப்படையில் ஆசிரியர்கள் நியமிக்கப்பட்டனர். தனியார் பள்ளிகளில் பணிபுரிய வழங்கப்பட்ட கெடு கடந்த ஆண்டு ஆகஸ்ட் 28ஆம் தேதியோடு முடிந்துவிட்டது

அதிகமான வழக்குகளை சந்தித்த விவகாரங்களில், ஆசிரியர் தகுதித் தேர்வும் ஒன்று. ஆசிரியர்‌ தகுதித் தேர்வே வேண்டாம், தகுதி மதிப்பெண்ணில் இடஒதுக்கீடு வேண்டும், இடஒதுக்கீடு கூடாது, வெயிட்டேஜ் முறை வேண்டாம் உள்ளிட்ட பல காரணங்களுக்காக வழக்குகள் தொடுக்கப்பட்டன.‌ தகுதித் தேர்வு தாமதமாவது குறித்து‌கேட்கும் போதெல்லாம் அரசுத் தரப்பில் இந்த வழக்குகளே காரணமாக சொல்லப்படுகின்‌றன. ‌பணி நிரவல்கள் மூலம் ஆசிரியர் காலியிடங்களை சமாளிக்க முடிந்தாலும் அது சமாளிப்பாகவே இருக்கும் என்பது துறை சார்ந்தவர்களின் கருத்து

உச்சநீதிமன்றத்தில் கிட்டத்தட்ட ஒராண்டுக்கும் மேலாக நிலுவையில் உள்ள வழக்குகளில், தமிழக அரசின் மனுவும் அடங்கும். வழக்கைக் காரணம் காட்டி தகுதித் தேர்வை மேலும் தாமதப்படுத்தாமல் அவற்றை விரைவாக முடிப்பதற்கான நடவடிக்கைகளை அரசு மேற்கொள்ள வேண்டியது‌ அவசி‌யம். இவற்றின் எதிரொலியாகவே ஆசிரியர் துறை சார்ந்த கல்வியை பயில முன்வரும் மாணவர்களின் எண்ணிக்கை பெருவாரியாக குறைந்திருக்கிறது.

Advertisement:
இது தொடர்பான செய்திகள் :
Advertisement:
Advertisement:
[X] Close