[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

பன்னிரெண்டாம் வகுப்பு மாணவர்கள் மறுகூட்டல் முறை ரத்து: சிபிஎஸ்இ அறிவிப்பு

no-re-evaluation-of-class-12-marks-from-2017-cbse

பன்னிரெண்டாம் வகுப்பு மாணவர்கள் மறுகூட்டலுக்கு விண்ணபிக்கும் முறையை வரும் 2017ஆம் கல்வியாண்டு முதல் முடிவுக்குக் கொண்டுவருவதாக மத்திய இடைநிலைக் கல்வி வாரியம் (சிபிஎஸ்இ) அறிவித்துள்ளது.

மாணவர்கள், தாங்கள் பெற்ற மதிப்பெண் குறித்து சந்தேகம் எழும்போது விடைத்தாளினை மறுகூட்டல் விண்ணப்பிக்கும் நடைமுறையை சிபிஎஸ்இ அமைப்பு கடந்த 2014ஆம் ஆண்டு அறிமுகப்படுத்தியது. இதன்மூலம் சிபிஎஸ்இ பாடத்திட்டத்தில் பயிலும் 10 மற்றும் 12ஆம் வகுப்பு மாணவர்கள் மறுகூட்டலுக்கு விண்ணப்பித்து வந்தனர்.

இந்தநிலையில் 12ஆம் வகுப்பு மாணவர்களுக்கான மறுகூட்டல் வரும் 2017ஆம் ஆண்டு முதல் ரத்து செய்யப்படுவதாக சிபிஎஸ்இ அறிவித்துள்ளது. முறையான காரணங்களைக் கூறி மறுகூட்டலுக்கு விண்ணப்பிக்கும் மாணவர்கள் எண்ணிக்கை மிகவும் குறைவாகவே இருப்பதால் இந்த முடிவு எடுக்கப்பட்டிருப்பதாக சிபிஎஸ்இ நிர்வாகம் தரப்பில் கூறப்பட்டுள்ளது. மொத்த மாணவர்களில் 1.8 சதவீதம் பேர் மட்டுமே மறுகூட்டலுக்கு விண்ணப்பிக்கும் நிலையில், முறையான காரணங்களைக் கூறி மறுகூட்டலுக்கு விண்ணப்பிக்கும் மாணவர்கள் எண்ணிக்கை 0.05 சதவீதம் மட்டுமே என்று தெரிவிக்கப்பட்டுள்ளது.

மேலும், விடைத்தாட்களைத் திருத்தும் பணி மூன்று கட்டங்களாக நடைபெறுவதால், இதில் தவறு ஏற்பட வாய்ப்புகள் குறைவே என்றும் சிபிஎஸ்இ தரப்பில் கூறப்பட்டுள்ளது. முறையான காரணங்களுக்காக மறுகூட்டலுக்கு விண்ணப்பிக்கும் மாணவர்களின் கோரிக்கைகள் மீதான முடிவெடுக்க குழு ஒன்று அமைக்கப்படும் என்று சிபிஎஸ்இ தலைவர் ராஜேஷ் சதுர்வேதி தெரிவித்தார். அதேநேரம் பத்தாம் வகுப்பு மாணவர்கள் மறுகூட்டலுக்கு விண்ணப்பிக்கலாம் என்றும், அதில் தற்போதைக்கு மாற்றம் செய்யப்படவில்லை என்று தெரிவிக்கப்பட்டுள்ளது.

Advertisement:
Advertisement:
Advertisement:
[X] Close