[X] Close
JUST IN
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்
  • BREAKING-NEWS சேலம்-சென்னை 8 வழிச்சாலை திட்டத்திற்காக நிலம் தர விருப்பம் இல்லாத விவசாயிகளை துன்புறுத்தக்கூடாது - உயர்நீதிமன்றம்
  • BREAKING-NEWS கேரளாவில் கன்னியாஸ்திரி பாலியல் வன்கொடுமை வழக்கில் குற்றம் சாட்டப்பட்டுள்ள பிஷப் பிராங்கோ பணியிடை நீக்கம் - வாடிகன் நிர்வாகம்
  • BREAKING-NEWS மொஹரம் பண்டிகையை முன்னிட்டு புதுச்சேரி, காரைக்கால், ஏனாம் பகுதிகளுக்கு நாளை அரசு பொது விடுமுறை - புதுச்சேரி அரசு
  • BREAKING-NEWS இந்திய கிரிக்கெட் அணியின் கேப்டன் விராட் கோலிக்கு ராஜீவ் காந்தி கேல் ரத்னா விருது அறிவிப்பு

காவிரி விவகாரம்: மருத்துவமனையில் முதலமைச்சர் ஜெயலலிதா முக்கிய ஆலோசனை

cauvery-issue-chief-minister-jayalalithaa-discussion-in-apollo-hospital

சென்னை அப்போலோ மருத்துவமனையில் சிகிச்சை பெற்று வரும் முதலமைச்சர் ஜெயலலிதா, காவிரி விவகாரம் குறித்து அதிகாரிகளுடன் முக்கிய ஆலோசனை நடத்தினார்.

காவிரி நீர் விவகாரத்தில் தமிழகம் மற்றும் கர்நாடக அரசுகள் உச்சநீதிமன்றத்தில் தாக்கல் செய்திருக்கும் மனுக்கள் தொடர்பாகவும், உச்சநீதிமன்றம் பிறப்பித்த உத்தரவுகள் குறித்தும் முதலமைச்சரிடம் அதிகாரிகள் எடுத்துக் கூறினர்.

இந்த கூட்டத்தில் தலைமைச் செயலர் ராம மோகன ராவ், தலைமை வழக்கறிஞர் முத்துக்குமாரசாமி, அரசு ஆலோசகர் ஷீலா பாலகிருஷ்ணன் உள்ளிட்டோர்‌ பங்கேற்றனர். காவிரி வழக்கில் கர்நாடக அரசு மேலும் 3 நாளைக்கு வினாடிக்கு 6 ஆயிரம் கன அடி நீர் திறந்துவிட உத்தரவிட்டது குறித்தும் முதலமைச்சரிடம் அதிகாரிகள் எடுத்துரைத்தனர்.

காவிரி விவகாரத்திற்கு தீர்வு காண மத்திய நீர்வள அமைச்சகம் தகுந்த அறிவுரைகளை வழங்க, இரு மாநில நிர்வாகத் தலைவர்கள் கூட்டத்தை உச்சநீதிமன்றம் கூட்ட உத்தரவிட்டது குறித்தும் அதிகாரிகள் முதலமைச்சரிடம் கூறினர்.

இதன்படி நாளை டெல்லியில் கூட்டம் நடைபெற உள்ளதாகவும் அதிகாரிகள் தெரிவித்தனர்.‌ இக்கூட்டத்தில், அமைச்சர் எடப்பாடி பழனிச்சாமி, தலைமைச் செயலர், முதன்மைச் செயலர் பிரபாகர் உள்ளிட்டோர் பங்கேற்க வேண்டும் என அறிவுறுத்திய முதலமைச்சர், கூட்டத்தில் தனது உரையை தலைமைச் செயலர் வாசிக்கவும் ஆலோசனை வழங்‌கியதாக செய்திக்குறிப்பில் தெரிவிக்கப்பட்டுள்ளது.

Advertisement:
Advertisement:
Advertisement:
[X] Close