[X] Close
JUST IN
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

செல்ஃபி எடுக்கும் நேரத்தில் திருட்டு: வெளிநாட்டு ஜோடியை தேடும் போலீசார்

police-searching-for-a-foreign-couple-involved-in-the-robbery

தமிழகத்தின் பல இடங்களில் வியாபாரிகளிடம் நூதன கொள்ளையில் ஈடுபட்ட வெளிநாட்டு ஜோடியை போலீசார் தேடி வருகின்றனர்

சிவகங்கை மாவட்டம் காரைக்குடி அருகே மளிகை கடை நடத்தி வருபவர் கருப்பையா. இவரது கடைக்கு ஜோடியாக வெளிநாட்டு ஆண், பெண் வந்துள்ளனர். கடையில் வேலைபார்க்கும் பணிப்பெண்ணிடம் சி சீரிஸ் 2ஆயிரம் நோட்டுகள் இருக்கிறதா என கேட்டுள்ளனர். இல்லை என மறுத்த பணிப்பெண்ணிடம் பணம் குறித்து கேட்டு தொடர்ந்து வற்புத்தியுள்ளனர். இதனை அடுத்து தங்களிடம் 500 ரூபாய் நோட்டுகள் இருப்பதாக அவர் தெரிவித்துள்ளார். 500 ரூபாயாக இருந்தாலும் பரவாயில்லை எனக் கூறிய வெளிநாட்டு ஜோடி பணத்தை பார்ப்பது போல ரூ.6ஆயிரத்தை திருடியுள்ளனர். 

கடையில் இருப்போரை திசை திருப்ப அந்த வெளிநாட்டு பெண் அனைவருடனும் செல்ஃபி எடுத்துள்ளார். அந்த நேரத்தை பயன்படுத்தி வெளிநாட்டு ஆண் பணத்தை திருடியுள்ளார். அவர்கள் பணத்தை எடுத்துக் கொண்டு சென்ற பிறகே பணம் காணாமல் போனது குறித்து பணிப்பெண்ணுக்கு தெரியவந்துள்ளது. சிசிடிவி காட்சியை ஆய்வு செய்தபோது வெளிநாட்டு ஜோடி பணத்தை திருடிக் கொண்டு போனது உறுதியானது.

இதேபோல் அந்த வெளிநாட்டு ஜோடி, முத்துப்பேட்டையில் உள்ள சூப்பர் மார்கெட்டில் ரூ.30 ஆயிரத்தை திருடி சென்றுள்ளனர். தமிழகம் முழுவதும் 20க்கும் மேற்பட்ட இடங்களில் இந்த வெளிநாட்டு ஜோடி கைவரிசை காட்டியுள்ளது. சிசிடிவி காட்சிகளை கொண்டு போலீசார் அவர்களை தேடி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close