[X] Close
JUST IN
  • BREAKING-NEWS கோடநாடு விவகாரத்தில் தொடர்புடைய கூலிப்படையினருக்கு திமுகவை சேர்ந்த வழக்கறிஞர்கள் உதவுகின்றனர் - முதல்வர் பழனிசாமி
  • BREAKING-NEWS ஸ்டாலின் கனவில் வேண்டுமானால் முதலமைச்சராகலாம், எந்தக்காலத்திலும் முதல்வராக முடியாது - முதல்வர் பழனிசாமி
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS சென்னையில் பெட்ரோல் லிட்டருக்கு ரூ. 73.65 காசுகளாகவும், டீசல் லிட்டருக்கு ரூ. 69.14 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது

கோவை சிறையில் கைதி அடித்துக்கொலை : அதிர்ச்சி தகவல்

in-kovai-central-prison

கோவை மத்திய சிறையில் ஆயுள் தண்டனை கைதி உடல்நிலை பாதிக்கப்பட்டு உயிரிழந்ததாக கூறப்பட்ட நிலையில், சக சிறைவாசிகள் இருவர் கல்லால் அடித்து கொலை செய்தது தெரியவந்துள்ளது. 

திருப்பூர் மாவட்டம் கேத்தம்பாளையம் பகுதியைச் சேர்ந்தவர் ராமசாமி (56). இவர் தனது மகனைக் கொலை செய்த வழக்கில் ஆயுள் தண்டனைக் கைதியாக கடந்த 2015 முதல் கோவை மத்திய சிறையில் உள்ளார். இந்நிலையில் கடந்த 9ஆம் தேதி அதிகாலை உடல்நிலை பாதிக்கப்பட்டதாக கோவை அரசு மருத்துவமனைக்கு அவர் அழைத்துவரப்பட்டார். ஆனால் அவரை பரிசோதித்த மருத்துவர்கள் வழியிலேயே உயிரிழந்து விட்டதாக தெரிவித்துள்ளனர். இதில் இறந்த ராமசாமியின் தலையிலும் உடம்பிலும் காயங்கள் இருப்பதாக தகவல் வெளியானது. இதனால் உடல்நிலை பாதிக்கப்பட்டு உயிரிழந்தாரா ? அல்லது சிறை கைதிகளால் தாக்கப்பட்டு உயிரிழந்தாரா ? என்ற சந்தேகம் நிலவியது.

Image result for சிறையில் கைதி மர்ம மரணம்

இதையடுத்து இவரது உடலை 3வது குற்றவியல் நீதிமன்ற நீதிபதி வேலுச்சாமி முன்னிலையில் உடற் கூறு ஆய்வு செய்யப்பட்டது. உடற் கூராய்வு முடித்த பிறகு கோவை மத்திய சிறையில் நீதிபதி வேலுச்சாமி விசாரணை நடத்தினார். இச்சம்பவம் தொடர்பாக சிறை காவல் கண்காணிப்பாளர் கிருஷ்ணராஜும் விசாரணை மேற்கொண்டார்.  இந்நிலையில் ராமசாமி தலையில் தாக்கப்பட்டதால் உயிரிழந்ததாக உடற்கூறு ஆய்வில் தெரியவந்துள்ளது. பின்னர் காவல்துறையினர் தீவிர விசாரணையில் ராமசாமியுடன் ஒரே கொட்டகையில் தங்கியிருந்த சுரேஷ், சுப்ரமணி ஆகிய இருவரும் பீடி கொடுப்பதில் ஏற்பட்ட தகராறில் கல்லால் அடித்து கொலை செய்தது தெரியவந்தது. மேலும் கொலை செய்த கல்லையும், துணியையும் சிறையிலிருந்து காவல்துறையினர் பறிமுதல் செய்தனர்.

Image result for கோவை சிறையில் கைதி மர்ம மரணம்

இதனையடுத்து சந்தேக மரணம் என்பதை மாற்றி கொலை மற்றும் தடயங்களை மறைப்பது ஆகிய பிரிவுகளில் கீழ் வழக்கு பதிவு செய்து கொலை செய்த இருவரையும் கைது செய்தனர். இருவரும் கொலை செய்துவிட்டு உடல்நலம் பாதிக்கப்பட்டதாக நாடகமாடியுள்ளனர் என்பது குறிப்பிடத்தக்கது.  
 

Advertisement:
இது தொடர்பான செய்திகள் :
Advertisement:
Advertisement:
[X] Close