[X] Close
JUST IN
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு
  • BREAKING-NEWS இயக்குநர் ஏ.ஆர்.முருகதாஸை கைது செய்ய டிசம்பர் 20 வரை தடை விதித்தது சென்னை உயர்நீதிமன்றம்

நிலத்தகராறில் கூலித் தொழிலாளி தீக்குளித்து தற்கொலைக்கு முயற்சி

the-wage-laborer-is-trying-to-commit-suicide

வேலூர் மாவட்டம் வாணியம்பாடி அருகே நிலத்தகராறில் அடியாட்கள் மிரட்டியதால் கூலித்தொழிலாளி தீக்குளித்து தற்கொலைக்கு முயற்சித்த சம்பவம் அதிர்ச்சியை ஏற்படுத்தியுள்ளது. 

மேல்நிம்மியம்பட்டு பகுதியைச் சேர்ந்த கூலித் தொழிலாளி கோவிந்தசாமி, தனக்குச் சொந்தமான‌ 65 சென்ட் நிலத்தை, 4 ஆண்டுகளுக்கு முன்பு அதே பகுதியை சேர்ந்த ஜெய்சங்கர் என்பவருக்கு விற்பனை செய்துள்ளார். கோவிந்தசாமியிடம் இரண்டரை லட்ச ரூபாய் அளித்து மீதி ‌பணத்‌தை 3 மாதத்துக்குள் தருவதாக ஜெய்சங்கர் ஒப்பந்தம் போட்டதாக தெரிகிறது. ஒப்பந்த தேதி முடிந்து நான்கு ஆண்டுகளாகியும் மீதி தவணையை தராமல் ஜெய்சங்கர் ஏமாற்றி வந்ததால், கோவிந்தசாமி குரும்பட்டி பகுதியை சேர்ந்த கமலநாதன் என்பவருக்கு இடத்தை விற்பனை செய்துள்ளார். இதனால் ஜெயசங்கருக்கும், கோவிந்தசாமிக்கும் இடையே நீண்ட நாட்களாக பிரச்னை இருந்து வந்தது. 

இருதரப்பிலும் ஆலங்காயம் காவல் நிலையத்தில் புகார் அளிக்கப்பட்டு, காவல்துறையினர்‌ பேச்சு வார்த்தை நடத்தியதில், வரும் 20ஆம் தேதி ஜெய்சங்கருக்கு பணத்தை திருப்பிக் கொடுப்பதாக முடிவு செய்துள்ளனர். ஆனால், பேச்சுவார்த்தையை மீறி ஜெய்சங்கர் அடியாட்களுடன் வந்து கோவிந்தசாமியை மிரட்டியதால், மனமுடைந்த கோவிந்தசாமி, வீட்டுக்கு திரும்பி வந்து பெட்ரோல் ஊற்றி தீக்குளிக்க முயற்சி செய்துள்ளார். இதனையடுத்து வேலூர் அரசு மருத்துமனையில் சேர்க்கப்பட்ட கோவிந்தசாமி ஆபத்தான நிலையில் சிகிச்சை பெற்று வருகிறார். இந்த சம்பவம் குறித்து காவல்துறையினர் விசாரணை மேற்கொண்டு வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close