[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

விஜய் சேதுபதியின் லாபம் திரைப்படத்தின் படப்பிடிப்பு தொடக்கம்

vijay-sethupathi-and-shruti-haasan-to-join-together-for-laabam

ஜனநாதன் இயக்கத்தில் விஜய் சேதுபதி நடிக்கும் லாபம் திரைப்படத்தின் படப்பிடிப்பு இன்று தொடங்கியது

விஜய்சேதுபதி நடிப்பில் 2015 ஆண்டு வெளியான திரைப்படம்  ‘புறம்போக்கு என்கிற பொதுவுடமை’. இதனை இயக்குநர் எஸ்.பி.ஜனநாதன் இயக்கி இருந்தார். இந்நிலையில் மீண்டும் ஜனநாதன் இயக்கும் நான்காவது படத்தில் விஜய்சேதுபதி நடிப்பதாக தகவல்கள் வெளியாகின. இப்படத்துக்கு லாபம் என்றும் பெயரிட்டனர். 

விரைவில் படப்பிடிப்பு தொடங்கும் என கூறப்பட்ட நிலையில் இன்று படத்தின் படப்பிடிப்பு தொடங்கியுள்ளது. இன்று பூஜையுடன் தொடங்கிய படப்பிடிப்பில் இயக்குநர் ஜனநாதன், நடிகர் விஜய் சேதுபதி, நடிகை ஸ்ருதி ஹாசன் உள்ளிட்டோர் பங்கேற்றனர். இப்படத்தின் மூலம் முதன்முறையாக விஜய் சேதுபதியுடன் ஜோடி சேர்கிறார் ஸ்ருதிஹாசன். வில்லனாகப் பிரபல தெலுங்கு நடிகர் ஜெகபதி பாபு நடிக்கிறார். 

முதல்கட்டமாக நடக்கவுள்ள படப்பிடிப்பில் விஜய் சேதுபதி - ஸ்ருதி ஹாசன் பங்குபெறும் காட்சிகள் எடுக்கப்பட உள்ளதாகவும், தென்காசி, அம்பாசமுத்திரம் பகுதிகளில் படப்பிடிப்பு நடத்தப்பட உள்ளதாகவும் தகவல்கள் வெளியாகியுள்ளன.

விஜய்சேதுபதிக்கு கடைசியாக சூப்பர் டீலக்ஸ் படம் வெளியானது. தற்போது இயக்குநர் மணிகண்டன் படத்திலும்,  சீனு ராமசாமியின் மாமனிதன் படத்தில் நடித்து வருகிறார். சிந்துபாத் திரைப்படம் விரைவில் திரைக்கு வரவுள்ள நிலையில் மலையாளம், தெலுங்கிலும் விஜய் சேதுபதி நடித்து வருகிறார்.

Advertisement:
இது தொடர்பான செய்திகள் :
Advertisement:
Advertisement:
[X] Close