[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

அரசுக்கு எதிராகப் பேரணி: வீட்டுச் சிறையில் நடிகர் மோகன்பாபு!

mohan-babu-placed-under-house-arrest

மாணவர்களுக்கு செலுத்த வேண்டிய கட்டணத்தொகையை ஆந்திர அரசு செலுத்தாதைக் கண்டித்து பேரணி செல்ல முயன்ற  தெலுங்கு நடிகரும் வித்யாநிகேதன் கல்வி நிறுவனத் தலைவருமான நடிகர் மோகன் பாபு வீட்டுச் சிறையில் வைக்கப்பட்டுள்ளார்.

ஆந்திராவில் ஒய்.எஸ்.ஆர்.ராஜசேகர ரெட்டி முதலமைச்சராக இருந்தபோது, கல்லூரியில் படிக்கும் மாணவர்களுக்கு கல்வி கட்டணத்தை அரசே செலுத்தும் திட்டத்தைக் கொண்டு வந்தார். அவரை அடுத்து வந்த அரசுகளும் இதை தொடர்ந்து செய்து வருகிறது. அதாவது அரசு ஒதுக்கீட்டில் படிக்கும் மாணவர்கள், ஏற்கனவே கட்டணம் செலுத்தி படித்துவருகின்றனர். இந்தப் பணத்தை மாணவர்களுக்கு கல்லூரி வாயிலாக அரசு திருப்பிச் செலுத்தும்.

சமீப காலமாக கல்லூரிகளுக்கு அரசு செலுத்த வேண்டிய நிலுவைத் தொகை  அதிகரித்துள்ளதாகத் தெரிகிறது. இதனால் சில தனியார் கல்லூரிகள், அரசுக்கு எதிராக போர்க்கொடி தூக்கியுள்ளன.

தெலுங்கு நடிகர் மோகன் பாபு, திருப்பதியில் வித்யாநிகேதன் என்ற கல்வி நிறுவனத்தை நடத்தி வருகிறார். இவரது கல்லூரிக்கு 20 கோடி ரூபாயை, ஆந்திர அரசு பாக்கி வைத்துள்ளது. கடந்த 3 வருடங்களாக கட்டணத்தைத் திருப்பிச் செலுத்தவில்லை என்றும் இது தொடர்பாக மனுக்கள் அளித்தும் பதில் இல்லை என்றும் அதைத் திரும்பக் கொடுக்குமாறும் நடிகர் மோகன்பாபு மாணவர்களுடன் சேர்ந்து போராட்டத்தில் ஈடுபட்டார்.

திருப்பதி அருகில் உள்ள ரங்கம்பேட்டா பகுதியில் உள்ள கல்லூரி வளாகத்தில் நேற்று போராட்டம் நடந்தது. பின்னர் அங்கிருந்து பத்து மணியளவில்  பேரணியாகச் செல்ல முடிவு செய்திருந்தார். இதில் மோகன்பாபு மகன்கள் விஷ்ணு மஞ்சு, மனோஜ் மஞ்சு ஆகியோரும் கலந்துகொண்டனர்.  இதன் காரணமாக, திருப்பதி-பிலெரு சாலையில் சுமார் 15 கி.மீ-க்கு போக்குவரத்து நெரிசல் ஏற்பட்டது. இதையடுத்து அங்கு போலீசார் குவிக்கப்பட்டனர்.

 பின்னர், மோகன் பாபுவை, கல்லூரி வளாகத்தில் உள்ள அவரது வீட்டில் போலீசார் சிறை வைத்தனர். அவரை வெளியே அனுமதிக்க போலீசார் மறுத்துவிட்டனர். இதுபற்றி தனது டிவிட்டர் பக்கத்தில், ’மாணவர்களின் கட்டணத்தைக் கேட்டு பேரணி செல்ல இருந்தேன். திருப்பதியில் என் வீட்டுக்கு வந்துள்ள போலீசார், வெளியே செல்ல அனுமதிக்க மறுக்கிறார்கள்’’ என்று தெரிவித்துள்ளார் மோகன்பாபு.

 இந்த சம்பவம் ஆந்திராவில் பரபரப்பை ஏற்படுத்தியுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close