[X] Close
JUST IN
  • BREAKING-NEWS தேர்தல் விதிகளை மீறியதாக தமிழக காங்கிரஸ் கமிட்டி தலைவர் கே.எஸ்.அழகிரி மீது 3 பிரிவுகளின் கீழ் வழக்குப்பதிவு
  • BREAKING-NEWS இடைத்தேர்தல் தேர்தலில் நாங்குநேரி - 66.10%, விக்கிரவாண்டி - 84.36% வாக்குப்பதிவு - தலைமை தேர்தல் அதிகாரி சத்யபிரதா சாஹூ
  • BREAKING-NEWS தொடர் மழை காரணமாக நீலகிரி மாவட்டத்தில் உள்ள பள்ளி, கல்லூரிகளுக்கு நாளை விடுமுறை அறிவிப்பு - ஆட்சியர்
  • BREAKING-NEWS தீபாவளிக்கு மறுநாள் அக்.28ஆம் தேதி (திங்கள் கிழமை) அரசு விடுமுறை

’அர்ஜுன் ரெட்டி’ ரீமேக்கில் துருவ் ஜோடியாக புதிய ஹீரோயின்!

banita-sandhu-is-the-new-heroine-in-arjun-reddy-remake

’அர்ஜூன் ரெட்டி’ படத்தின் புதிய ரீமேக்கில் விக்ரம் மகன் துருவ் ஜோடியாக, இந்தி பட ஹீரோயின் நடிக்கிறார்.

தெலுங்கில் விஜய தேவரகொண்டா, ஷாலினி பாண்டே நடித்து சூப்பர் ஹிட்டான படம், ’அர்ஜுன் ரெட்டி’. இதை தமிழில் ரீமேக் செய்தனர். விக் ரம் மகன் துருவ் ஹீரோவாகவும் கொல்கததா மாடல் மேகா சவுத்ரி ஹீரோயினாகவும் நடித்தனர். ’வர்மா’ என்று டைட்டில் வைக்கப்பட்ட இந் தப் படத்தை பாலா இயக்கினர். இ4 என்டர்டெயின்மென்ட் நிறுவனம் சார்பில் முகேஷ் ரதிலால் மேத்தா தயாரித்தார்.

படம் முடிந்து இந்த மாதம் ரிலீஸ் ஆகும் என்று எதிர்பார்க்கப்பட்ட நிலையில், இந்தப் படம் திருப்திகரமாக இல்லாததால் கைவிடுவதாகவும் வேறு குழுவை வைத்து மீண்டும் தயாரிக்க இருப்பதாகவும் இ4 என்டர்டெயின்மென்ட் நிறுவனம் அறிவித்தது. ஆனால், துருவ்தான் ஹீரோ வாக நடிப்பார் என்றும் தெரிவித்திருந்தது. இது தமிழ்த் திரையுலகில் பரபரப்பை ஏற்படுத்தியது.

இந்நிலையில், இயக்குனர் பாலா, படைப்பு சுதந்திரம் கருதியே ’வர்மா’ படத்தில் இருந்து தான் விலகியதாக தெரிவித்தார். துருவ் விக்ரமின் எதிர்காலம் கருதி இது குறித்து மேலும் பேச விரும்பவில்லை என்றும் அவர் குறிப்பிட்டார். 

இந்நிலையில் வேறு இயக்குனரை வைத்து இந்தப் படத்தை இயக்க உள்ளனர். கவுதம் வாசுதேவ் மேனன் இயக்குவார் என்று கூறப்பட்டது. ஆனால், தெலுங்கு ’அர்ஜூன் ரெட்டி’ யை இயக்கிய சந்தீப் வங்காவின் உதவியாளர் ஒருவர்தான் இந்தப் படத்தை இயக்குவதாகக் கூறப்படு கிறது. இதுபற்றிய அதிகாரப்பூர்வ அறிவிப்பு விரைவில் வெளியாகிறது.

இதற்கிடையே, துருவ் ஜோடியாக நடிக்க, பனிதா சாந்து ஒப்பந்தம் செய்யப்பட்டுள்ளார். இவர், இந்தியில் வருண் தாவன் ஜோடியாக ’அக்டோபர்’ என்ற படத்தில் நடித்துள்ளார். மற்ற நடிகர், நடிகைகள் தேர்வு நடந்துவருகிறது. ஜூன் மாதம் படத்தை முடிக்க படக்குழு முடிவு செய்துள்ளது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close