[X] Close
JUST IN
  • BREAKING-NEWS தமிழகம் மற்றும் புதுவையில் அடுத்த 3 நாட்களுக்கு பலத்த மழை பெய்ய வாய்ப்பு
  • BREAKING-NEWS நாங்குநேரி, விக்கிரவாண்டி பேரவை தொகுதிகளில் இடைத்தேர்தலுக்கான வாக்குப்பதிவு காலை 7 மணிக்கு தொடங்கியது
  • BREAKING-NEWS தொடர் மழை காரணமாக கன்னியாகுமரி மாவட்டத்தில் பள்ளி, கல்லூரிகளுக்கு விடுமுறை; சிவகங்கை மாவட்டத்தில் பள்ளிகளுக்கு மட்டும் விடுமுறை
  • BREAKING-NEWS கவுரவ டாக்டர் பட்டம் பெற்றார் முதலமைச்சர் பழனிசாமி

3-டியில் டான்ஸ் படம்: பிரபுதேவாவுடன் மீண்டும் இணைகிறார் வருண் தவான்!

prabhu-deva-and-varun-dhawan-reunite-for-the-remo-d-souza-film

’ஸ்ட்ரீட் டான்சர்’ என்ற இந்தி படத்தில் பிரபுதேவாவும் இந்தி ஹீரோ வருண் தவானும் மீண்டும் இணைந்து நடிக்கின்றனர்.

ஹாலிவுட்டில் நடனம் தொடர்பாக, அதிகமான படங்கள் வெளிவருவது உண்டு. சமீப காலமாக இதுபோன்ற படங்களின் வருகை குறைந்துள்ளன. இந்தியில் அவ்வப்போது டான்ஸ் தொடர்பான படங்கள் வருவது உண்டு. தமிழில் சமீபத்தில் ’லக்‌ஷ்மி’ என்ற படம் வெளியானது. பிரபல இந்திப் பட நடன இயக்குனர் ரெமோ டிசோஸா, ஏபிசிடி (எனிபடி கேன் டான்ஸ்) என்ற படத்தை பிரபுதேவா நடிப்பில் இயக்கினார். இது தமிழிலும் டப் செய்யப்பட்டு வெளியானது.

(ரெமோ, பிரபுதேவா, வருண் தவான், ஸ்ரத்தா கபூர்)

சிறப்பான வரவேற்பை பெற்ற இந்தப் படத்தின் இரண்டாம் பாகமும் வெளியானது. இதில் பிரபுதேவா வுடன் பிரபல இளம் இந்தி ஹீரோ வருண் தவானும் இணைந்து நடித்தார். இந்தப் படமும் இந்தியில் வரவேற்பை பெற்றது.

இதையடுத்து ரெமோ டிசோஸா, ’ஸ்ட்ரீட் டான்சர்’  என்ற படத்தை இயக்குகிறார். இதில் வருண் தவான் ஹீரோவாக நடிக்கிறார். முக்கிய வேடத்தில் பிரபுதேவா நடிக்கிறார். சோனம் பஜ்வா ஹீரோயினாக நடிக்கிறார். இவர் தமிழில் ’கப்பல்’ படத்தில் ஹீரோயினாக நடித்தவர். முதல் கட்ட படப்பிடிப்பு தொடங்கி யுள்ளது. 

இரண்டாம் கட்ட படப்பிடிப்பு லண்டனில் நடக்கிறது. இதில் பிரபுதேவா கலந்துகொள்கிறார் என்றும் 3டியில் உருவாகும் இந்தப் படம், இந்தியாவில் வெளியான டான்ஸ் படங்களிலேயே முக்கியமான தாகவும் பிரமாண்டமானதாகவும் இருக்கும் என்றும் படக்குழு தெரிவித்துள்ளது.

பிரபுதேவாவுடன் நடிப்பது பற்றி வருண் தாவன் கூறும்போது, ‘நடனக்கடவுள் பிரபுதேவா வுடன் மீண்டும் இணைகிறேன். அவருடன் மீண்டும் நடிப்பதை நினைக்கும்போதே உற்சாக மாக இருக்கிறது’ என்று தெரிவித் துள்ளார். 

Advertisement:
Advertisement:
Advertisement:
[X] Close