[X] Close
JUST IN
  • BREAKING-NEWS தென்னாப்ரிக்காவுக்கு எதிரான 3வது டெஸ்ட் கிரிக்கெட் போட்டியில் சதமடித்தார் ரோகித் ஷர்மா
  • BREAKING-NEWS காங்கிரஸ் அரசு முடக்கி வைத்திருந்த தேஜாஸ் போர் விமானம் பாதுகாப்பு படையில் சேவையாற்ற தயாராக உள்ளது - பிரதமர் மோடி
  • BREAKING-NEWS நாங்குநேரியில் பணப்பட்டுவாடா செய்ததாக இதுவரை 6 வழக்குகள் பதிவு செய்யப்பட்டுள்ளன - நெல்லை ஆட்சியர்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்

ஜனவரியில் தொடங்குகிறது ‘தளபதி 63’ படப்பிடிப்பு?

vijay-atlee-s-third-outing-to-soon-go-on-floor

‘தளபதி 63’ படத்தின் படப்பிடிப்பு ஜனவரி 21 அல்லது 22 ஆம் தேதி சென்னையில் தொடங்கும் என தகவல் வெளியாகியுள்ளது.

‘சர்கார்’ படத்திற்குப் பிறகு விஜய் நடிக்கவுள்ள திரைப்படம் ‘தளபதி63’. வழக்கம் போல் இந்தப் படத்திற்கு இன்னும் தலைப்பு வைக்கவில்லை. இந்தப் படத்தினை அட்லி இயக்குகிறார். இவர் ஏற்கெனவே ‘தெறி’, ‘மெர்சல்’ ஆகிய படங்களை விஜய்யை வைத்து இயக்கி உள்ளார். 

தளபதி 63 படத்தை ஏஜிஎஸ் எண்டர்டெய்ன்மெண்ட் நிறுவனம் தயாரிக்கிறது. இதற்கான அதிகாரப்பூர்வ அறிவிப்பு கடந்த ஆண்டு நவம்பர் மாதம் வெளியானது. இந்த படத்தில் விஜய்க்கு ஜோடியாக நடிகை நயன்தாரா ஒப்பந்தமாகி உள்ளார். இதன் மூலம் பெரிய இடைவெளிக்குப் பிறகு நயன்தாரா விஜய்க்கு ஜோடியாக நடிக்கிறார். கடைசியாக 2009ல் வெளியான ‘வில்லு’ படத்தில் விஜய்க்கு ஜோடியாக நயன்தாரா நடித்திருந்தார்.

நடிகர் விஜய், இயக்குநர் அட்லி, ஏ.ஆர்.ரஹ்மான் ஆகியோரின் கூட்டணியில் உருவாகும் ‘தளபதி63’ இவர்களின் 2 வது திரைப்படமாக அமைந்துள்ளது.

மிக பிரமாண்டமான பொருட்செலவில் உருவாகும் ‘தளபதி63’ ரசிகர்களின் எதிர்ப்பார்ப்பை கண்டிப்பாக பூர்த்தி செய்யும் எனவும் இதுவரை விஜய் நடித்த படங்களிலிருந்து முற்றிலும் மாறுபட்ட படமாக இப்படம் இருக்கும் எனவும் ஏஜிஎஸ் நிறுவனம் ஏற்கனவே தெரிவித்திருந்தது. 

இதையடுத்து புரடெக்‌ஷன் டிசைனர் முத்துராஜ், கடந்த நவம்பர் மாதம் அவரது ட்விட்டரில் ‘விஜயின்‘தளபதி63’ படத்தின் செட் வேலைகள் தொடங்கிவிட்டதாக’ தெரிவித்திருந்தார். மேலும் அதற்கான புகைப்படம் ஒன்றையும் அவர் வெளியிட்டிருந்தார். தீபாவளி அன்று வெளியாக உள்ள விஜயின் ‘தளபதி63’ படத்திற்கான செட் வேலைகள் சென்னை பெரம்பூரிலுள்ள பின்னி மில்லில் அமைக்கப்பட்டு வருகிறது.

இந்நிலையில், இந்த படத்தின் படப்பிடிப்பு ஜனவரி 21 அல்லது 22 ஆம் தேதி சென்னையில் தொடங்கும் என தகவல் வெளியாகியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close