[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

இடிக்கப்படுகிறதா பாகுபலி பிரபாஸ் வீடு ?

actor-prabhas-guesthouse-seized-hyd-hc-asks-telangana-to-file-counter-affidavit

பாகுபலி படம் மூலம் இந்தியா முழுவதும் பிரபலமானவர் நடிகர் பிரபாஸ். இவர் பல ஆண்டுகளாக தெலுங்கு படங்களில் நடித்து வந்தாலும், பாகுபலி படமே இவரை இந்தியா முழுவதும் அறிய செய்தது. இந்தப் படத்துக்கு பின்பு மீண்டும் மிகப் பெரிய பொருட் செலவில் தயாரிக்கப்படும் "சாஹோ" படத்தில் நடித்து வருகிறார். இந்தப் படம் அடுத்தாண்டு ஆகஸ்ட் 19 ஆம் தேதி வெளியிடப்படும் என படக்குழு தெரிவித்துள்ளது. இந்தப் படமும் தமிழ், தெலுங்கு, இந்தியில் வெளியிடப்படவுள்ளது.

இப்போது பிரபாஸ்க்கு ஒரு புதிய சிக்கல் வந்துள்ளது. நடிகர் பிரபாஸ், தெலுங்கானா மாநிலத்தில் ராயதுர்கம் பகுதியில் வீடு ஒன்றை கட்டியுள்ளார். மிகப் பிரம்மாண்டாக 84 ஏக்கரில் ஆடம்பர சொகுசு வீடு அது. ஆனால், அந்த வீடு அரசுக்கு சொந்தமான இடத்தில் கட்டப்பட்டிருப்பதாக சர்ச்சை எழுந்தது. இதன் காரணமாக இடம் யாருக்கு சொந்தம் என்ற ரீதியில் வழக்கு நீதிமன்றத்துக்கு சென்றது.

இந்த வழக்கில் பதில் மனு தாக்கல் செய்த பிரபாஸ் "இந்த இடத்தை 2005 ஆம் ஆண்டு வாங்கினேன். இந்த இடத்தை முறைப்படுத்துவதற்கான கட்டணத்தையும் அரசுக்கு செலுத்திவிட்டேன். ஆனால், எனக்கு முன் அறிவிப்பு கொடுக்காமல், வீட்டை ஜப்தி செய்ய திட்டமிட்டுள்ளனர் " என மனு தாக்கல் செய்தார்.

இதனை விசாரித்த ஐதராபாத் உயர் நீதிமன்றம் இந்த வழக்கில் தெலுங்கானா அரசு டிசம்பர் 24 ஆம் தேதிக்குள் பதில் மனு தாக்கல் செய்ய உத்தரவிட்டது. இதனையடுத்து இவ்வழக்கின் விசாரணை டிசம்பர் 31 ஆம் தேதி வரை நடைபெறும் என தெரிவிக்கப்பட்டுள்ளது. மேலும் மறு உத்தரவு வரும் வரை பிரபாஸின் வீடு தொடர்பான நடவடிக்கைகளை கைவிட வேண்டும் என நீதிபதிகள் உத்தரவிட்டுள்ளனர்,

 

Advertisement:
இது தொடர்பான செய்திகள் :
Advertisement:
Advertisement:
[X] Close