[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

ஆணாதிக்கம் என்பதா? கங்கனா, சோனு சூட் கடும் மோதல்!

sonu-sood-lashes-out-at-kangana-ranaut-over-manikarnika-issue


இந்தி படத்தில் இருந்து விலகிய வில்லன் நடிகர் சோனு சூட்டுக்கும் ஹீரோயின் கங்கனா ரனவத்துக்கும் கடும் மோதல் ஏற்பட்டுள்ளது.

தமிழில் ஜெயம் ரவி ஜோடியாக ’தாம் தூம்’ படத்தில் நடித்தவர் இந்தி நடிகை கங்கனா ரனவத். இப்போது ’மணிகர்னிகா: தி குயின் ஆஃப் ஜான்சி’ என்ற படத்தில் நடித்து வருகிறார். ஜான்சி ராணியின் வாழ்க்கை கதையான இதில் அதுல் குல்கர்னி, சுரேஷ் ஓபராய் உட்பட பலர் நடிக்கின்றனர். வில்லன் நடிகர் சோனு சூட் முக்கிய வேடத்தில் நடித்தார். கங்கனாவுக்கு ஆக்‌ஷன் காட்சிகள் அதிகம் உள்ளன. தமிழில் ’வானம்’ படத்தை இயக்கிய தெலுங்கு இயக்குனர் கிரிஷ் இதை இயக்கினார். பின்னர் என்.டி.ஆர் வாழக்கை கதையை இயக்க கிரீஷ் சென்றுவிட்டதால் கங்கனாவே படத்தை இப்போது இயக்குகிறார். 

இந்நிலையில், இந்தப் படத்தில் இருந்து சோனு சூட் விலகியுள்ளார். படத்தில் சில மாற்றங்களை கங்கனா சொன்னார் என்றும் அதில் நடிக்க விருப்பம் இல்லாமல் சோனு விலகியதாகவும் கூறப்படுகிறது. 

இதற்கு கங்கனா அளித்த விளக்கத்தில், ‘சோனு சூட் என நண்பர்தான். கிரீஷ் இயக்கும்போது ஷூட்டிங்கில் அவரை பார்த்தது. பிறகு பார்க்கவி ல்லை. அவர் ’சிம்பா’ படத்தில் பிசியாக இருக்கிறார். அவர் கால்ஷீட் கொடுக்க மறுக்கிறார். பேட்ச் ஒர்க்கிற்கு கூட தேதி கொடுக்க மறுக்கிறார். பெண் இயக்குனர் இயக்கும் படத்தில் நடிக்க அவருக்கு விருப்பம் இல்லை. அதனால்தான் இப்படி செய்கிறார்’ என்று கூறியிருந்தார்.இது பரபரப்பைக் கிளப்பியது. இந்நிலையில் கங்கனா புகாருக்கு விளக்கம் அளித்துள்ளார் சோனு சூட்.

‘கங்கனா எனது தோழி. ஆனால் அவர் ஒரு விஷயத்தைப் புரிந்து கொள்ள வேண்டும். இந்த விவகாரத்தில் பெண்ணிய பிரச்னையையும் ஆணாதிக்கம் என்பதையும் பயன்படுத்தியது கேலிக்கூத்தானது. படத்தை ஆண் இயக்குகிறாரா, பெண் இயக்குகிறாரா என்பது பிரச்னை இல்லை. திறமைதான் முக்கியம். இது இரண்டையும் வைத்து குழப்ப வேண்டாம். பெண் இயக்குனரான ஃபாரா கான் படத்தில் நான் நடித்திருக்கிறேன். எனக்கும் அவருக்கும் சிறந்த தொழில்முறை நட்பு இருக்கிறது. அதனால் பெண் இயக்குனர் படத்தில் நடிக்க விருப்பம் இல்லை என்று சொல்வதில் அர்த்தம் இல்லை’ என்று கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close