[X] Close
JUST IN
  • BREAKING-NEWS 25 நாள் வேலை நிறுத்தத்திற்கு பிறகு சிவகாசி பட்டாசு ஆலைகளில் மீண்டும் உற்பத்தி தொடங்கியது
  • BREAKING-NEWS எம்.எல்.ஏக்களுக்கு உயர்த்தப்பட்டுள்ள ஊதியத்தை பெறப்போவதில்லை- டிடிவி தினகரன்
  • BREAKING-NEWS ராமநாதபுரம்: பாம்பன் அருகே சுமார் 50 மீட்டர் தூரத்திற்கு கடல் உள்வாங்கியது
  • BREAKING-NEWS பேருந்து கட்டண உயர்வுக்கு டீசல் விலை உயர்வை காரணம் காட்டுவதை ஏற்க முடியாது- வைகோ
  • BREAKING-NEWS பேருந்து கண்டன உயர்வை கண்டித்து தமிழகத்தில் ஜன.24இல் விசிக சார்பில் ஆர்ப்பாட்டம்
  • BREAKING-NEWS பேருந்து கட்டண உயர்வுக்கு எதிராக ஜன.27 இல் திமுக நடத்தும் ஆர்ப்பாட்டத்தில் மதிமுக பங்கேற்கும்
  • BREAKING-NEWS பேருந்து கட்டண உயர்வை எதிர்த்து ஜன.24 ஆம் தேதி பாஜக போராட்டம் நடத்தும்-தமிழிசை
சினிமா 11 Dec, 2017 07:32 PM

பிரபல காமெடி நடிகர் தற்கொலை

telugu-actor-vijay-sai-found-dead-suicide-suspected

தெலுங்கு சினிமாவில் பிரபல காமெடி நடிகர் விஜய் சாய் தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது.

தெலுங்கு சினிமாவில் பிரபமானவர் காமெடி நடிகர் விஜய் சாய். இவர் தனது ஹைதராபாத் வீட்டில் தற்கொலை செய்து கொண்டு இறந்து கிடந்த புகைப்படம் வெளியாகி அதிர்ச்சியை ஏற்படுத்தியுள்ளது. இவருக்கு வயது 32. படுக்கை அறையில் அவர் தற்கொலை செய்து கொண்டு இறந்து கிடந்ததை வீட்டு வேலைக்காரர் பார்த்து தெரிவித்துள்ளார். விஜய் தான் தற்கொலை செய்து கொள்ளும்போது செல்ஃபியாக வீடியோ எடுத்து வைத்துவிட்டு இறந்துள்ளார். அவர் சில நாட்களாக மன அழுத்தத்தில் சிக்கித் தவித்ததாக கூறப்படுகிறது. மேலும் அவர் நிறைய கடன் சுமைகளால் திண்டாடி வந்ததாகவும் கூறப்படுகிறது.

மனைவியிடம் இருந்து விவாகரத்து பெற்று வாழ்ந்து வந்த அவர் தனிமையில் சிக்கிக் தவித்துள்ளார். அவரது மனைவி இவரிடம் இருந்து கூடுமான தொகைகளை பெற்றுக் கொண்டு பிரிந்து போனதால் இவரது வாழ்க்கை தரமும் கொஞ்சம் பாதிப்புக்கு உள்ளாகி இருக்கிறது. தனக்கு என்று உள்ள ஒரே மகளை காண முடியாததால் அவரது மனநிலை மோசமடைந்து வந்துள்ளது.

இந்நிலையில்தான் மனம் ஒடிந்துப்போய் இன்று காலை தற்கொலை செய்து கொண்டு இறந்துள்ளார் விஜய் சாய். இவர் பதிவு செய்து வைத்துள்ள வீடியோவை கைப்பற்றி காவல்துறை விசாரணை நடத்தி வருகிறது. விஜய் தன் வீடியோவில் தற்கொலைக்கு தனது மனைவி, அவரது வழக்கறிஞர், இயக்குநர் சசிதர் ஆகியோர்தான் காரணம் எனக் கூறியுள்ளதாக செய்தி பரவி வருகிறது. விஜய் சாயின் வீடு ஹைதராபாத் ஜூபிளி ஹில்ஸ் பகுதியில் உள்ளது. அவரது தற்கொலையை அறிந்த ரசிகர்கள் அங்கு குவிந்துள்ளனர். விஜய் சாய், சித்தார்த் - ஜெனிலியா நடிப்பில் வெளியான பொம்மரிலு படம் உள்பட பல படங்களில் காமெடியனாக வலம் வந்தவர்.

Advertisement:
Advertisement:
Advertisement:
[X] Close