[X] Close
JUST IN
  • BREAKING-NEWS தூத்துக்குடியில் காவல்துறையினர் - ஆர்ப்பாட்டக்காரர்கள் இடையே ஏற்பட்ட மோதலின்போது காவல்துறையினர் நடத்திய துப்பாக்கிச்சூட்டில் காளியப்பன் (22) என்பவர் உயிரிழப்பு
  • BREAKING-NEWS தூத்துக்குடியில் 144 தடை உத்தரவை மீறியதாக கமல்ஹாசன் மீது வழக்குப்பதிவு
  • BREAKING-NEWS தூத்துக்குடி துப்பாக்கிச்சூடு சம்பவத்தை கண்டித்து புதுச்சேரியில் பயணிகள் ரயிலை மறித்து போராட்டம்
  • BREAKING-NEWS தூத்துக்குடி துப்பாக்கிச்சூடு சம்பவத்தை கண்டித்து தூத்துக்குடியில் காவல்துறை வாகனத்திற்கு தீ வைப்பு
  • BREAKING-NEWS தூத்துக்குடி துப்பாக்கிச்சூடு சம்பவம் காட்டுமிராண்டித்தனமானது- டிடிவி தினகரன்
  • BREAKING-NEWS தூத்துக்குடியில் துப்பாக்கிச்சூட்டில் உயிரிழந்தவர்களின் உடல்களுக்கு உடற்கூறு ஆய்வு தொடங்கியது
  • BREAKING-NEWS எனக்கு உற்சாக வரவேற்பளித்த சகோதர, சதோதரிகளின் துக்கத்தில் பங்கேற்க தூத்துக்குடி செல்கிறேன்-கமல்ஹாசன்

படப்பிடிப்பின்போது உதவியாளரை அறைந்த பிரபல நடிகர்!

telugu-actor-nandamuri-balakrishna-slaps-assistant

படப்பிடிப்பின்போது தெலுங்கு சூப்பர் ஸ்டார் பாலகிருஷ்ணா தனது உதவியாளரை அடித்த சம்பவம் அதிர்ச்சியை ஏற்படுத்தி இருக்கிறது. 

கே.எஸ்.ரவிக்குமார் இயக்கத்தில் பாலகிருஷ்ணா - நயன்தாரா நடிக்கும் புதிய படத்தின் படப்பிடிப்பு ஐதராபாத்தில் தொடங்கியது. இந்த படப்பிடிப்பில் கலந்து கொள்ள மேக்கப் போட்டுக்கொண்டு வந்த பாலகிருஷ்ணா திடீரென தனது உதவியாளரை அருகில் அழைத்து ஓங்கி ஒரு அறை அறைந்தார். தனது காலில் இருந்த காலணிகளின் லேசை கட்டாமல் ஓரமாக நின்று பேசிக் கொண்டிருந்ததால் பாலகிருஷ்ணா தனது உதவியாளரை அடித்தாக கூறப்படுகிறது. இந்த சம்பவம் வீடியோவாக சமூக வலைதளங்களில் வைரலாகி வருகிறது. பாலகிருஷ்ணாவின் இந்தச் செயலுக்கு பல்வேறு தரப்பினரும் கண்டனம் தெரிவித்து வருகின்றனர். 


பாலகிருஷ்ணாவுக்கு இது 102வது படம். உதவியாளரை பாலகிருஷ்ணா அடித்தது குறித்து அப்படத்தின் இயக்குநர் கே.எஸ்.ரவிகுமார் விளக்கமளித்துள்ளார். அதில் ’கோவிலுக்குள் காட்சி படமாக்கப்பட இருந்தது. அந்தக் காட்சி படமாக்கப்படுவதற்கு முன்பாகவே தனது காலணியை கழட்ட வேண்டும் என தனது உதவியாளரிடம் பாலகிருஷ்ணா நினைவுபடுத்தி இருந்தார். அவர் ஷாட்டுக்கு தயாராகும் வரை உதவியாளர் அங்கு இல்லை. தான் நினைவுபடுத்தி இருந்தும் உதவியாளர் கண்டுகொள்ளாததால் அவரை அழைத்து லேசாக தட்டி தனது ஷூவை கழட்ட வேண்டும் என நினைவுபடுத்தினார். அந்த வீடியோ பரவி பாலகிருஷ்ணா மீது தவறான கண்ணோட்டத்தை ஏற்படுத்தி விட்டது. மக்கள் யாரும் இதை தவறாக புரிந்து கொள்ள வேண்டாம் எனக் கேட்டுக்கொண்டுள்ளார். 


இதுபோன்ற சர்ச்சைகளில் பாலகிருஷ்ணா சிக்குவது இது முதல்முறையல்ல. பல படங்களின் படப்பிடிப்பின்போது சக நடிகர்கள், நடிகைகளை கிண்டல் செய்வது, அவமரியாதையாக நடந்து கொள்வது என பல்வேறு சர்ச்சைகளில் பாலகிருஷ்ணா சிக்கியுள்ளார்.  தெலுங்கில் முன்னணி நடிகராக வலம்வரும் பாலகிருஷ்ணா அக்கா ஆந்திர மாநிலத்தின் முதல்வர் சந்திரபாபு நாயுடுவின் மனைவியாவார். 

Advertisement:
இது தொடர்பான செய்திகள் :
Advertisement:
Advertisement:
[X] Close