[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

ரஜினியின் 2.0 - ஹாலிவுட்டில் பறக்கும் ராட்ஷச பலூன்கள்

rajinikanth-s-2-0-100-foot-tall-hot-air-balloon-all-set-to-travel-the-world

உலகளவில் விளம்பரப்படுத்துவதற்கும், கவனம் ஈர்க்கும் நோக்கத்துடனும் ரஜினி, அக்ஷய் குமாரின் புகைப்படங்களைக் கொண்ட "2.0" படத்தின் ராட்ஷச பலூன்கள் அமெரிக்காவின் ஹாலிவுட் பார்க்கில் பறக்கின்றன. பறக்கும் ராட்ஷச பலூன்களின் படங்கள் தற்போது 2.0 படத்தின் அதிகாரப்பூர்வ ட்விட்டர் பக்கத்தில் வெளியிடப்பட்டுள்ளன.

ரஜினி - ஷங்கர் கூட்டணியில் உருவாகும் 2.0 படத்தை ரூ. 400 கோடி செலவில் லைகா நிறுவனம் தயாரித்துவருகிறது. 2.0 படத்தில் ரஜினிக்கு இணையான கதாபாத்திரத்தில் பாலிவுட் நடிகர் அக்ஷய் குமார் நடிக்கிறார். கதாநாயகி - எமி ஜாக்சன். ஏ.ஆர். ரஹ்மான் இசை அமைத்துள்ளார். 2.0 திரைப்படம் 3டி தொழில்நுட்பத்தில் உருவாகிவருவதால் இப்படத்தின் கிராபிக்ஸ் பணிகள் அமெரிக்காவில் தற்போது நடைபெற்று வருகின்றன.

2.0 திரைப்படத்தை விளம்பரப்படுத்த சர்வதேச சுற்றுப்பயணம் மேற்கொள்ளப்போவதாக லைகா நிறுவனத்தின் தலைமைச் செயல் அதிகாரியான ராஜூ மகாலிங்கம் சமீபத்தில் அறிவித்தார். இந்நிலையில், அமெரிக்காவின் லாஸ் ஏஞ்சல்ஸில் உள்ள ஹாலிவுட் என்று அழைக்கப்படும் திரையுலகப் பகுதியில் ரஜினி, அக்ஷய் குமார் புகைப்படங்களைக் கொண்ட ராட்சத 100 அடி பலூன்கள் காட்சிக்கு வைக்கப்பட்டுள்ளன.

எட்டு மாதங்களாக தயாரிக்கப்பட்ட இந்த ராட்ஷச பலூன்கள், 2.0 படத்தின் முதல் ப்ரொமோஷன் யுக்தியாக பார்க்கப்படுகிறது. இந்த ராட்சத பலூன்கள் உலகம் முழுவதும் கொண்டு செல்லப்பட்டு விளம்பரங்களுக்குப் பயன்படுத்தப்படவுள்ளன. லண்டன், துபாய், சான் பிரான்சிஸ்கோ, ஐரோப்பிய நாடுகள், ஆஸ்திரேலியா என இந்த 2.0 விளம்பர ராட்ஷச பலூன்கள் வைக்கப்படவுள்ளதாகவும் தெரிவிக்கப்பட்டுள்ளது.

2.0 படத்தை நாங்கள் இந்தியப் படமாக மட்டும் எண்ணவில்லை. ஹாலிவுட் படமாகக் கருதி விளம்பரம் செய்யத் தயாராகியுள்ளோம் என்கிறார் ராஜூ மகாலிங்கம். 
இதுவரை எந்த ஒரு இந்தியப் படத்துக்கும் இதுபோன்ற பிரமாண்டமான விளம்பர யுக்திகள் செயல்படுத்தப்பட்டதில்லை என்பது குறிப்பிடத்தக்கது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close