ஆண்டுக்கு இருமுறை ஆன்லைனில் நீட் தேர்வு?

நீட் தேர்வை ஆண்டுக்கு இருமுறை ஆன்லைன் மூலம் நடத்தலாமா என மத்திய சுகாதாரத்துறை அமைச்சகத்துக்கு, தேசிய தேர்வு முகமை கடிதம் எழுதியுள்ளது.

மருத்துவப் படிப்பில் சேர நீட் தேர்வை கட்டாயமாக்கியது மத்திய அரசு. அந்த தேர்வின்படியே தற்போது மருத்துவக் கலந்தாய்வும் நடைபெற்று வருகிறது. இந்நிலையில் நீட் தேர்வை ஆண்டுக்கு இருமுறை ஆன்லைன் மூலம் நடத்தலாமா என மத்திய சுகாதாரத்துறை அமைச்சகத்துக்கு, தேசிய தேர்வு முகமை கடிதம் எழுதியுள்ளது.

அந்தக் கடிதத்தில், ஒரே ஒரு முறை தேர்வு நடத்தப்படுவதால் அது மாணவர்களுக்கு மன அழுத்தத்தை அதிகரிக்கும் என கடிதத்தில் குறிப்பிடப்பட்டுள்ளது. மாணவர்களின் மன அழுத்தத்தை போக்க நீட் தேர்வை 2 முறை நடத்த தேசிய தேர்வுகள் முகமை திட்டமிட்டுள்ளது என்றும், வழக்கமான முறையில் தேர்வு நடத்துவது சற்று சிரமமான விஷயம் என்பதால் ஆன்லைனில் நடத்தவும் திட்டமிட்டுள்ளதாகவும் கூறப்படுகிறது.