பாஜகவின் முகமூடியாக செயல்படுவதில், எடப்பாடி பழனிசாமியோடு உள்ள கடுமையான போட்டியில், ஓ.பன்னீர்செல்வம் திமுகவை வீணாக வம்புக்கு இழுப்பதாக, மு.க. ஸ்டாலின் குற்றம்சாட்டியுள்ளார். 

இது குறித்து அவர் வெளியிட்டுள்ள அறிக்கையில், எடப்பாடி தலைமையிலான அரசு, ஸ்டாலினுடன் ரகசியக் கூட்டணி வைத்திருப்பதாக ராமநாதபுரம் கூட்டத்தில் பன்னீர்செல்வம் பேசியதைச் சுட்டிக்காட்டினார். முதலமைச்சர் பதவி கிடைக்காது என்று தெரிந்தவுடன் கமிட்டி கலைப்பு, இணைப்பு கிடையாது என்று வெளியில் கூறிவிட்டு, திரைமறைவில் இன்னமும் இணைப்பதற்கு ஹோட்டல் ஹோட்டலாக ரகசிய பேச்சுவார்த்தை நடத்திவருபவர் பன்னீர்செல்வம். திமுகவுக்கு கிடைத்து வரும் மக்கள் ஆதரவைப் பொறுத்துக்கொள்ள முடியாமல், தனது டெல்லி ஆசான்களின் வழிகாட்டுதல்படி கூறும் குற்றச்சாட்டு இவை. இல்லாத கூட்டணியை இருப்பது போல் சித்தரிக்க முயலும் பன்னீர்செல்வம் இதிலும் தோல்வியைத் தழுவுவார் என்பதில் சந்தேகமில்லை. உள்ளபடியே எடப்பாடி அரசு நீடிப்பதில் உடன்பாடில்லை என்று பன்னீர்செல்வம் நினைத்தால், அரசு மீது சட்டப்பேரவையில் குற்றச்சாட்டுகளை வைக்க அஞ்சுவது ஏன் என்றும், துணிச்சல் இருந்தால், பேரவையில் எடப்பாடி பழனிசாமியை விமர்சிக்கவாவது முன்வரட்டும் என ஸ்டாலின் கூறினார்.