Published : 20,Oct 2020 05:05 PM

பூனை வடிவத்திலான பிரமாண்ட நாஸ்கா கோடுகள்... பெருநாட்டில் கண்டுபிடிப்பு

Nazca-Lines--Archaeologists-discover-2-000-year-old-cat-figure-in-Peru

2,000 ஆண்டுகளுக்கு முன்னர் செதுக்கப்பட்ட பூனை உருவ மலைப்பாதை தெற்கு பெருவில் கண்டுபிடிக்கப்பட்டுள்ளது.

image

பெருவில் பூனை வடிவத்திலான பிரமாண்ட மலைப்பாதையை தொல் பொருள் ஆய்வாளர்கள் கண்டுபிடித்துள்ளனர். தலைநகர் லிமாவுக்கு அருகே உள்ள இந்த மலையில் சுமார் 2 ஆயிரம் ஆண்டுகளுக்கு முன்பு இந்த பிரமாண்ட பூனை வடிவம் செதுக்கப்பட்டிருக்கலாம் என தொல்பொருள் ஆராய்ச்சியாளர்கள் தெரிவிக்கின்றனர். 37 மீட்டர் நீளமுள்ள இந்த மலைப்பாதையானது இயற்கை சீற்றத்தின் காராணமாக நாளடைவில் மறைந்ததாக சொல்லப்படுகிறது. தற்போது ஆராய்ச்சிக்காக சுத்தம் செய்யும்போது பிரமாண்ட மலைப்பாதையை கண்டுபிடிக்கப்பட்டதாக ஆய்வாளர்கள் தெரிவிக்கின்றனர்.

ஹிஸ்பானிக் காலத்திற்கு முந்தைய சமூகங்களைச் சேர்ந்தவர்களால் நாஸ்கா கோடுகள் உருவாக்கப்பட்டன, அவர்கள் பாறை மற்றும் சரளைகளின் மேல் வரிவடிவங்களை வரைந்தனர். சுழல் மற்றும் முக்கோணங்கள் உட்பட பல மர்மமான வடிவியல் வடிவங்களும் பாலைவன நிலப்பரப்பில் செதுக்கப்பட்டன.

image

கடந்த நூற்றாண்டில் இப்பகுதியில்  காணப்பட்ட  ஹம்மிங் பறவை, குரங்கு மற்றும் பெலிகன் போன்ற  ஜூமார்பிக் வரைபடங்களின் வரிசையில் பூனைவழித்தடம் இணைகிறது.1920 களில் பெருவியன் தொல்பொருள் ஆராய்ச்சியாளர் டோரிபியோ மெஜியா ஜெஸ்பே முதன்முதலில் நிலப்பரப்பில் செதுக்கப்பட்ட மர்மமான கோடுகளைக் கண்டுபிடித்தார். 1930 களில் விமானத்திலிருந்து பார்வையிட்டு மேலும் பல கலைப்படைப்புகள் கண்டுபிடிக்கப்பட்டன, மேலும் ஆராய்ச்சியாளர்கள் தொடர்ந்து பல வரிகளைக் கண்டுபிடித்து அவை எவ்வாறு, ஏன் உருவாக்கப்பட்டன என்பது குறித்த கோட்பாடுகளை உருவாக்கி வருகின்றனர். 2019 ஆம் ஆண்டில் ஜப்பானின் யமகதா பல்கலைக்கழக ஆராய்ச்சியாளர்கள் 3 டி இமேஜிங் உதவியுடன் இப்பகுதியில் 140 க்கும் மேற்பட்ட வரிவடிவக்கோடுகளை கண்டுபிடித்தனர்.

சற்று முன்



எடிட்டர் சாய்ஸ்