ஆசிரியர் சங்கங்கங்களை ஏன் கலைக்கக் கூடாது என கேள்வி எழுப்பியதற்கு எதிராக போராட்டம் நடத்தப்படும் என அறிவித்த ஆசிரியர் சங்கங்களுக்கு உயர் நீதிமன்ற நீதிபதி கிருபாகரன் கண்டனம் தெரிவித்துள்ளார்.

பல அரசு பள்ளிகளில் ஆசிரியர்கள் பணிக்கே செல்வதில்லை எனவும், இதனால் மாணவர்களின் பெற்றோர் வீதியில் இறங்கி போராடும் நிலை
ஏற்பட்டுள்ளதாகவும் நீதிபதி கூறினார். 45 ஆயிரம் ரூபாய் வரை சம்பளம் வாங்கும் ஆசிரியர்கள், வருடத்தில் 162 நாட்கள் வேலை செய்வதில்லை எனவும் நீதிபதி தெரிவித்தார்.

முன்னதாக, ஐஐடி வளாக கேந்திரிய வித்யாலயா பள்ளியில் 9-ஆம் வகுப்பு படித்த 42 மாணவர்கள் பெயில் ஆக்கப்பட்டதை எதிர்த்து சென்னை உயர்நீதிமன்றத்தில் வழக்கு தொடரப்பட்டது. இதனை விசாரித்த நீதிபதி கிருபாகரன் பள்ளிக்கு செல்லாமல் முறைகேடு செய்பவர்கள் ஆசிரியர் சங்கங்களை தவறாக பயன்படுத்துவதாக கூறியிருந்தார். இதையடுத்து ஆசிரியர் சங்கங்கள் சென்னை உயர்நீதிமன்ற நீதிபதி கிருபாகரனுக்கு எதிராக போராட்டம் அறிவித்திருந்தன. இந்நிலையில் ஆசிரியர் சங்கங்களுக்கு உயர் நீதிமன்ற நீதிபதி கிருபாகரன் கண்டனம் தெரிவித்துள்ளார்.