[X] Close

கொரோனா பாதிப்பு : அகதிகள் நிலையில் புலம்பெயர்ந்த தொழிலாளர்கள்

இந்தியா,கொரோனா வைரஸ்

Migrant-workers-head-home-in-coronavirus-lockdown--exposed-and-vulnerable

கொரோனா பாதிப்பால் வெளிமாநிலங்களுக்கு புலம்பெயர்ந்து வேலை செய்த பணியாளர்கள் சொந்த ஊர் திரும்ப முடியாமல் தவிப்பதாக தெரிகிறது.


Advertisement

இந்தியா முழுவதும் கொரோனா வைரஸ் பரவுவதை தடுக்க ஊரடங்கு உத்தரவு பிறப்பிக்கப்பட்டுள்ளது. ஊரடங்கு உத்தரவு பிறப்பிக்கப்படும் முன்னரே இந்தியா முழுவதும் ரயில் சேவைகள் நிறுத்தப்பட்டன. தற்போது ஏப்ரல் 14ஆம் தேதி வரை ஊரடங்கு உத்தரவு பிறப்பிக்கப்பட்டுள்ளதால் அதுவரை ரயில்கள் இயங்காத நிலை ஏற்பட்டுள்ளது. இதேபோன்று அனைத்து மாநிலங்களிலும் மருத்துவர்கள், துப்புரவு பணியாளர்கள் உள்ளிட்ட அத்தியாவசியப் பணியாளர்களை தவிர மற்றவர்களுக்கு போக்குவரத்து மற்றும் பேருந்து வசதிகள் வழங்கப்படுவதில்லை.

image


Advertisement

அத்தியாவசியப் பொருள்களை கொண்டு வரும் சரக்கு வாகனங்கள் மட்டுமே நகரங்களுக்குள் அனுமதிக்கப்படுகின்றன. இதனால் நாடே முடங்கியுள்ளது. அடுத்த 20 நாள்களுக்கு இதுதான் நிலை என்பது தெரியவந்துள்ளது. இந்த முடக்கம் மாநிலங்கள் கடந்து பணிபுரியும் புலம்பெயர்ந்த தொழிலாளர்களை வெகுவாக பாதித்திருக்கிறது. ஏனென்றால் ஊரடங்கு அறிவிப்பு வெளியான போதே ரயில்கள் இயங்கவில்லை. இதைத்தொடர்ந்து பேருந்துகளும் முடக்கப்பட்டன. இந்நிலையில் பல்வேறு சிறு, குறு தொழிலாளர்களுக்கு ஊரடங்கு நாட்களில் ஊதியம் கிடையாது என முதலாளிகள் தெரிவித்திருக்கின்றனர்.

image

கொரோனா தொற்று வேகமாக பரவும் நிலையில், ஒரே அறைக்குள் அடைப்பட்டிருக்கும் 10க்கும் மேற்பட்ட தொழிலாளர்களுக்கு இது பேரதிர்ச்சி தான். இதனால் அவர்கள் தங்கள் குடும்பத்துடன் பாதுகாப்பாக இருக்க சொந்த மாநிலங்களுக்கு புறப்பட்டனர். ஆனால் சொந்த ஊருக்கு செல்வதற்கு போக்குவரத்தும் இல்லாமல், கையில் போதிய பணமும் இல்லாமல், உண்ண உணவும் இல்லாமல் அவர்கள் அகதிகள் போல ஆகியுள்ளனர்.


Advertisement

image

புலம்பெயர்ந்த தொழிலாளர்கள் மட்டுமின்றி இந்தியா முழுவதும் சிறு, குறு நிறுவனங்களில் பணிபுரியும் சுமார் 47 கோடி தொழிலாளர்களின் நிலை இதுதான் என ஆய்வுகள் கூறுகின்றன. இவர்களுக்காக மத்திய நிதியமைச்சர் நிர்மலா சீதாராமன் பல்வேறு சலுகைகள் அறிவித்திருக்கிறார். இருந்தாலும் அவர்கள் அந்த சலுகைகளை பெறுவதற்கு கூட முதலில் தங்கள் வீட்டிற்கு செல்ல வேண்டுமே ? என்பது பிரதான கேள்வியாக இருக்கிறது.

கொரோனா பாதிப்பு.. ஏழைகளுக்காக நிர்மலா சீதராமன் அறிவித்த சலுகை திட்டங்கள்..!


Advertisement

Advertisement
[X] Close