தமிழக சட்டப்பேரவை கூட்டத்தொடர் 9-ஆம் தேதி தொடக்கம் !

தமிழக சட்டப்பேரவை கூட்டத்தொடர் வரும் 9-ஆம் தேதி தொடங்குவதாக சபாநாயகர் தனபால் தெரிவித்துள்ளார்.

இது தொடர்பாக இன்று நடைபெற்ற அலுவல் ஆய்வுக்குழு கூட்டத்தில், சட்டப்பேரவைக் கூட்டத்தை மார்ச் 9-ஆம் தேதி முதல் ஏப்ரல் 9ஆம் தேதி வரை நடத்த‌ முடிவெடுக்கப்பட்டுள்ளது. சனி , ஞாயிறு விடுமுறை, அரசு விடுமுறைகள் தவிர்த்து 22 நாட்களுக்கு சட்டப்பேரவைக் கூட்டம் நடைபெறவுள்ளது.

ரசாயன மீன்... கெட்டுப்போன ஆட்டிறைச்சி... உணவே விஷமா? கலக்கத்தில் அசைவ பிரியர்கள்! 

மார்ச் 9-ஆம் தேதி முன்னாள் எம்.ஏல்.ஏ. சந்திரனுக்கு இரங்கல் குறிப்பு வாசிக்கப்படுவதோடு, சட்டமன்ற உறுப்பினர்கள் கே.பி.பி.சாமி, காத்தவராயன் ஆகியோரின் மறைவுக்கு இரங்கல் தீர்மானங்கள் நிறைவேற்றப்படவுள்ளன. மார்ச் 13-ஆம் தேதி மதுவிலக்கு மற்றும் ஆயத்தீர்வை, மார்ச் 16-ஆம் தேதி உள்ளாட்சித்துறை, ‌27ஆம் தேதி காவல்துறை மானியக்கோரிக்கைகள் மீது விவாதம் ந‌டைபெறவுள்ளது.

“தாமிரபரணி ஆற்றை வரைபடங்களில்தான் காண்பிக்க நேரிடும்”- உயர்நீதிமன்ற மதுரை கிளை எச்சரிக்கை 

வேளாண் துறை மீதான மானியக்கோரிக்கை மார்ச் 31-ஆம் தேதி நடைபெறும் என அறிவிக்கப்பட்டுள்ளது.