Published : 09,Feb 2020 11:40 AM

விஜய்க்கு தங்கையாக நடிக்கிறார் ஐஸ்வர்யா ராஜேஷ் ?

actress-Aishwarya-Rajesh-on-playing-the-role-of-actor-Vijay-sister-in-the-film

 

விஜய்க்குத் தங்கையாக நடிக்க உள்ளதாக ஐஸ்வர்யா ராஜேஷ் சூசகமாகத் தெரிவித்துள்ளார்.

‘காக்கா முட்டை’ படத்தின் மூலம் தரமான நடிப்பை வெளிப்படுத்தியவர் ஐஸ்வர்யா ராஜேஷ். அதன் பிறகு அவர் பல நல்ல படங்களைத் தொடர்ந்து தேர்வு செய்து நடித்து வருகிறார். ஆகவே கோலிவுட் வட்டாரத்தில் அவருக்கென தனித்த அடையாளம் உள்ளது. இவர் நடித்துள்ள ‘வானம் கொட்டட்டும்’ திரைப்படம் சமீபத்தில் வெளியாகி ஓடிக்கொண்டுள்ளது. இதில் விக்ரம் பிரபுவுக்குத் தங்கையாக இவர் நடித்துள்ளார். இப்படத்திற்கு நல்ல வரவேற்பு நிலவி வருகிறது.

image

இவர் சமீபத்தில் அளித்த ஒரு பேட்டியில் நடிகர் விஜய்க்குத் தங்கையாக நடிக்க இருப்பதாகத் தெரிவித்துள்ளார். முதலில் இவருக்குத் தங்கையாக நடிப்பதில் சில சங்கடங்கள் இருந்துள்ளன. ஆனாலும் அவருடன் இணைந்து நடிக்க வேண்டும் என்ற விருப்பத்திற்காக அதனை ஏற்றதாகவும் ஒருநாள் நிச்சயம் அவருக்கு ஜோடியாக நடிக்கும் காலம் வரும் என்று காத்திருப்பதாகவும் அவர் கூறியுள்ளார்.

image

இதனை அறிந்த விஜய்யின் ரசிகர்கள் ஐஸ்வர்யா ராஜேஷின் பதிலைப் பாராட்டியுள்ளனர். மேலும் இவரது கனவு வெற்றிபெறவும் வாழ்த்தி வருகின்றனர். ஆனால் இது குறித்துப் படக்குழு தரப்பிலிருந்து எந்தவிதமான அதிகாரப்பூர்வமான அறிவிப்பும் வெளியாகவில்லை.

கேஜிஎஃப் 2 படத்தில் இணைந்த பாலிவுட் நடிகை

இதற்கு முன்னதாக, பாண்டிராஜ் இயக்கிய 'நம்ம வீட்டுப் பிள்ளை' படத்தில் சிவகார்த்திகேயனின் சகோதரியாக ஐஸ்வர்யா ராஜேஷ் நடித்திருந்தார். அந்தப் படம் பிளாக்பஸ்டர் ஹிட் ஆனது.

image

இவரின் 'வானம் கொட்டட்டும்' படத்தை தானா இயக்கி உள்ளார். இதில் சரத்குமார், ராதிகா, விக்ரம் பிரபு, ஐஸ்வர்யா ராஜேஷ், சாந்தானு, மடோனா செபாஸ்டியன் மற்றும் பலர் நடித்துள்ளனர். பிரபல பாடகர் சித் ஸ்ரீராம் இப்படத்தின் மூலம் இசையமைப்பாளராக அறிமுகமாகியுள்ளார். இதனை மணி ரத்னத்தின் மெட்ராஸ் டாக்கீஸ் தயாரித்துள்ளது என்பது குறிப்பிடத்தக்கது.

 

சற்று முன்



எடிட்டர் சாய்ஸ்