“கிரிக்கெட் ஆடுவதை விட இதுதான் சிறந்தது”... என்ன சொல்கிறார் சச்சின்..?

ஒரு காலத்தில் கிரிக்கெட்டில் யாரும் அசைக்க முடியாத ஜாம்பவானாக திகழ்ந்தவர் சச்சின் டெண்டுல்கர். அவருக்கு ரசிகர்கள் பட்டாளம் எப்போதும் அதிகம்தான். அவரின் விளையாட்டை காண்பதற்காக மட்டுமே போட்டியை பார்த்த பலர் உண்டு. இப்போது கிரிக்கெட்டிலிருந்து அவர் ஓய்வில் இருந்தாலும், அவரின் புகழ்பாட ஆயிரக்கணக்கான ரசிர்கர்கள் இருக்கிறார்கள்.

Read Also -> கனவுக்கு தடை போட்ட புற்றுநோய் ! மீள்வாரா ரோமன் ?

சச்சினும் தன் ரசிகர்களை குஷிப்படுத்த அவ்வப்போது தனது சமூக வலைத்தள பக்கத்தில் புகைப்படங்களை பதிவு செய்வார். குடும்பத்துடன் இருக்கும் புகைப்படம், வெளிநாடுகளுக்கு செல்லும்போது எடுக்கும் புகைப்படங்களை பதிவு செய்து ரசிகர்களின் மனதை சமாதானப்படுத்துவார். இத்தகைய புகைப்படங்களுக்கு லைக்ஸ் அள்ளும். ஏராளமானோர் புகைப்படங்களை ஷேர் செய்வதும் உண்டு.

Read Also -> நாளை 2-வது ஒரு நாள் போட்டி: மீண்டும் அசத்துமா இந்திய அணி?

இந்நிலையில் சச்சின் டெண்டுல்கர் தனது ஃபேஸ்புக் பக்கத்தில் ஒரு புகைப்படத்தை பதிவிட்டுள்ளார். அதில் பெண் வீராங்கனைகள் புடைசூழ கிரிக்கெட் ஆடுகிறார் சச்சின். புகைப்படத்திற்கான கேப்ஷனில், “ கிரிக்கெட் விளையாடுவதை விட ஒரு சிறந்த நிகழ்வு இருக்கிறது என்றால் அது மலைகளில் கிரிக்கெட் விளையாடுவதுதான்” என கூறியுள்ளார். ஆம். மலை சார்ந்த பகுதிகளில் சச்சின் கிரிக்கெட் ஆடுவதுபோலத் தான் அந்த புகைப்படமும் உள்ளது. மேலும் கூறியுள்ள சச்சின் டெண்டுல்கர், “ பூட்டான் கிரிக்கெட் அணியுடன் மீண்டும் ஆடுகளத்துக்கு விளையாட வந்தது மகிழ்ச்சி அளிக்கிறது. அந்த அணிக்கு என் மனப்பூர்வமான வாழ்த்துகள்” என கூறியுள்ளார்.