நாமக்கல் அரசு மருத்துவமனையில் தாய்ப்பால் வங்கி திறப்பு

நாமக்கல் அரசு மருத்துவமனையில் தாய்ப்‌பால் வங்கி துவங்கப்பட்டுள்ளதாக சுகாதாரத்துறை அமைச்சர் விஜயபாஸ்கர் தெரிவித்துள்ளார். 

நாமக்கல் அரசு தலைமை மருத்துவமனையில் மூன்றரை கோடி ரூபாய் மதிப்பில் புதிய மக்கள் பயன்பாட்டு மையங்கள் கட்டப்பட்டுள்ளன. இதில் மார்பக நுண்கதிர் படமெடுக்கும் இயந்திரம், டிஜிட்டல் எக்ஸ்ரே இயந்திரம், ஆதரவு சிகிச்சை மையம், தாய்ப்பால் சேமிப்பு வங்கி ஆகியவற்றை தொடங்கி வைக்கும் நிகழ்ச்சி இன்று நடைபெற்றது. 

விழாவில் சுகாதாரத்துறை அமைச்சர் விஜயபாஸ்கர், மின்துறை அமைச்சர் தங்கமணி, சமூக நலத்துறை அமைச்சர் சரோஜா ஆகியோர் மருத்துவ வசதிகளை துவக்கி வைத்தனர். பின்னர் செய்தியாளர்களிடம் பேசிய அமைச்சர் விஜயபாஸ்கர், தமிழகத்தில் மருத்துவ கல்லூரி அல்லாத அரசு மருத்துவமனைகளில், நாமக்கல் அரசு மருத்துவமனையில் தான் தாய்பால் வங்கி முதன்முதலாக துவக்கப்பட்டுள்ளதாக தெரிவித்தார்.