[X] Close

முதல்வர் இல்லம் அருகிலேயே சாலையில் ரேஸ்: பொதுமக்கள் புகார்

Bike-Race-in-public-roads-Chennai

 

சென்னை அடையாறில் முத‌லமைச்சர் வீடு அமைந்துள்ள கிரீன்வேஸ் சாலைக்கு அருகிலேயே 50-க்கும் மேற்பட்ட இளைஞர்கள் பைக் ரேசில் ஈடுபட்டனர். 

முதலமைச்சர் இல்லத்தில் இருந்து சுமார் 200 மீட்டர் தொலைவில் உள்ள திரு.வி.க. பாலத்தில் 50-க்கும் அதிகமான இளைஞர்கள் இருசக்கர வாகனம் மற்றும் ஆட்டோ பந்தயம் நடத்தினர். ‌இரவில் அதிவேகமாகவும், வீலிங் செய்தபடியும் இருசக்கர வாகனங்களை இளைஞர்கள் ஓட்டிச் சென்றதால் சாலையில் சென்ற பொதுமக்கள் அச்சமடைந்தனர். இதுகுறித்து காவல்துறையினருக்கு‌ தகவல் தெரிவித்தும் அவர்கள் விரைந்து வரவில்லை என்று பொதுமக்கள் புகார் தெரிவித்தனர். நிகழ்விடத்துக்கு வந்த காவல்துறையினர் ரேஸுக்கு பயன்படுத்தப்பட்ட ஒரு இருசக்கர வாகனத்தை மட்டும் பறிமுதல் செய்தனர். மற்றவர்கள் தப்பியோடிவிட்டனர். முதலமைச்சர் வீட்டுக்கு அருகிலேயே ரேஸ் நடப்பதாக பலமுறை புகார் அளித்தும் காவல்துறையினர் உரிய நடவடிக்கை எடுக்கவில்லை என்று பொதுமக்கள் குற்றம்சாட்டியுள்ளனர்.
 


Advertisement

வீடியோ

Advertisement:

Advertisement

Advertisement
[X] Close