[X] Close

நாளை காலை அனைத்து கட்சிக்கூட்டம்: ஸ்டாலின் அறிவிப்பு 

Stalin-announce-Tomorrow-morning-all-party-meeting

காவிரி மேலாண்மை வாரியம் அமைக்கக்கோரி தமிழகம் முழுவதும் முழு அடைப்பு போராட்டம் முழு வெற்றி பெற்றுள்ளது என ஸ்டாலின் தெரிவித்துள்ளார்.

காவிரி மேலாண்மை வாரியம் அமைக்காத மத்திய அரசை கண்டித்தும், காவிரி மேலாண்மை வாரியம் அமைக்கக்கோரியும் தமிழகம் முழுவதும் திமுக மற்றும் அதன் தோழமை கட்சிகள் போராட்டத்தில் ஈடுபட்டனர். சென்னை மெரினா சாலையில் மறியல் போராட்டத்தில் ஈடுபட்ட மு.க.ஸ்டாலின், திருநாவுக்கரசர், திருமாவளவன் உள்ளிட்ட தலைவர்கள் கைது செய்யப்பட்டனர். கைது செய்யப்பட்ட தலைவர்கள் அனைவரும் புரசைவாக்கத்தில் உள்ள  மண்டபம் ஒன்றில் தங்க வைக்கப்பட்டனர். இந்நிலையில்  செய்தியாளர் சந்திப்பில் மு.க.ஸ்டாலின்  “முழு அடைப்பு போராட்டம் முழு வெற்றி பெற்றுள்ளது. போராட்டத்திற்கு மக்கள் தாமாக முன்வந்து ஆதரவு தெரிவித்தனர். இப்படி ஒரு போராட்டம் நடந்ததா என கேள்வி எழுப்பும் வகையில் போராட்டம் நடந்து உள்ளது. போராட்டத்தில் ஈடுபட்டு 10 லட்சம் பேர் கைது செய்யப்பட்டதாக தகவல் வந்துள்ளது.இதற்கு காரணமான கட்சி நிர்வாகிகள், தொண்டர்களுக்கு நன்றி தெரிவித்து கொள்கிறேன்” என தெரிவித்தார். 

இன்று மாலை நடக்கவிருந்த அனைத்து கட்சி கூட்டம் நாளை காலை 10.30 மணிக்கு அண்ணா அறிவாலயத்தில் நடக்கும். 7 ம் தேதி காவிரி உரிமை மீட்பு பயணம் துவங்குகிறது. இப்பயணம்  திருச்சி முக்கொம்பில் தொடங்கி கடலூரில் முடிவடைகிறது.மத்திய பாஜக அரசை தட்டிக் கேட்க மாநில அரசு தயக்கம் காட்டுகிறது. சுப்ரீம் கோர்ட்டில் மத்திய அரசு தாக்கல் செய்த மனுவை திரும்பப் பெற வேண்டும். அதிமுக ஆட்சியின் அவலங்கள் கவர்னருக்கு நன்றாகவே தெரியும், இதனால்தான் அவர் அடிக்கடி ஆய்வுக்கு செல்கிறார்.அரசு செவி சாய்க்கவில்லை என்றால் அடுத்த கட்ட போராட்டம் அறிவிக்கப்படும் என அரசுக்கு அவர் எச்சரிக்கை  விடுத்தார்.
 


Advertisement
Advertisement:

Advertisement

Advertisement
[X] Close