[X] Close

மீனவர்களுக்காக மிகப்பெரிய அளவில் போராட்டம்: ஸ்டாலின் எச்சரிக்கை

MK-Stalin-announced-protest

காணாமல்போன மீனவர்களை கண்டுபிடிக்க உரிய நடவடிக்கை எடுக்காவிட்டால் அனைத்து மீனவ அமைப்புகளையும் திரட்டி மிகப்பெரிய அளவில் போராட்டத்தில் ஈடுபட இருப்பதாக திமுக செயல் தலைவர‌ மு.க.ஸ்டாலின் தெரிவித்துள்ளார்.

ஒகி புயலால் பாதிக்கப்பட்ட மீனவ மக்களுக்கு ஆதரவாக சென்னையில் ஸ்டாலின் தலைமையில் ஆர்ப்பாட்டம் நடைபெற்றது. இதில் பேசிய ஸ்டாலின், மீனவர்களுக்காக கேரள அரசு செய்ததில் 25 சதவிகித அளவுக்காவது தமிழக அரசு செய்ய வேண்டும் என வலியுறுத்தினார்.

ஆழ்கடல் மீன்பிடிப்புக்குச் செல்லும் மீனவர்களுக்காக வாக்கி டாக்கி வழங்கும் திட்டத்தை தமிழக அரசு கிடப்பில் போட்டிருப்பதாகவும், திட்டத்தில் முறைகேடு நடைபெற்றிருப்பதாகவும் குற்றஞ்சாட்டினார். கன்னியாகுமரி மாவட்டத்தில் காணாமல்போன மீனவர்களின் விவரம் குறித்து முதலமைச்சரும், அதிகாரிகளும் முன்னுக்குப் பின் முரணாக தகவல்களை அளித்துள்ளதாகவும் ஸ்டாலின் விமர்சித்தார். காணாமல்போன மீனவர்களை கண்டுபிடிக்க உரிய நடவடிக்கை எடுக்காவிட்டால் அனைத்து மீனவ அமைப்புகளையும் திரட்டி மிகப்பெரிய அளவில் போராட்டத்தில் ஈடுபட இருப்பதாகவும் ஸ்டாலின் குறிப்பிட்டார். பாதிக்கப்பட்ட மீனவர்களின் நலனுக்காக நாளை ஆளுநரை சந்திக்க இருப்பதாகவும் மு.க.ஸ்டாலின் கூறினார்.


Advertisement

வீடியோ

Advertisement:

Advertisement

Advertisement
[X] Close