வெள்ளத்தில் அடித்துச் செல்லப்பட்ட மாணவி உயிரிழப்பு

விழுப்புரம் மாவட்டம் செஞ்சி அருகே சங்கராபரணி ஆற்று வெள்ளத்தில் அடித்துச் செல்லப்பட்ட 7 ஆம் வகுப்பு மாணவி உயிரிழந்தார்.

வல்லத்தைச் சேர்ந்த 7 ஆம் வகுப்பு படிக்கும் மாணவி பூரணி, தனது பாட்டியுடன் சங்கராபரணி ஆற்றிற்கு துணி துவைக்கச் சென்றிருக்கிறார். அப்போது பூரணி ஆற்றில் குளித்துக் கொண்டிருந்தபோது திடீரென வெள்ளத்தில் அடித்துச் செல்லப்பட்டார். அதிக வேகத்துடன் வந்த காட்டாறு வெள்ளத்தால் மாணவி அதிக தூரம் வரை அடித்துச் செல்லப்பட்டார்.

இதைக்கண்டு அதிர்ச்சியடைந்த பூரணியின் பாட்டி கூச்சலிட்டு அருகில் இருந்தவர்களை அழைத்தார். பின்பு தகவல் அறிந்து சம்பவ இடத்திற்கு விரைந்த மீட்பு படையினர் சுமார் 2 மணி நேரம் மாணவியை ஆற்றில் தேடினர். அதன் பின்பு மாணவியின் உடல் கரைத்தாண்டி இருக்கும் புதரில் ஒதுங்கி இருப்பது கண்டுப்பிடிக்கப்பட்டது. ஆற்றில் இறங்க வேண்டாம் என்று எச்சரிக்கை விடப்பட்டிருந்தும், பொதுமக்கள் அதை மீறுவதால்தான் இதுபோன்ற உயிரிழப்புகள் நேரிடுவதாக அதிகாரிகள் தெரிவித்துள்ளனர்.