Published : 28,Oct 2017 01:56 AM

ரன் வேயில் சாமி ’ஆராட்டு’ விழா: திருவனந்தபுரம் ஏர்போர்ட் மூடல்

Trivandrum-airport-to-be-shut-for-5-hours-on-Saturday

சாமி ஆராட்டு விழாவுக்காகத் திருவனந்தபுரம் விமான நிலையம் இன்று 5 மணி நேரம் மூடப்படுகிறது.

திருவனந்தபுரத்தில், புகழ்பெற்ற பத்மநாப சுவாமி கோவில் உள்ளது. இங்கு ஒவ்வொரு வருடமும் பங்குனி மற்றும் ஐப்பசி மாதத்தில் நடக்கும் விழாவின், கடைசி நாளில் ஆராட்டு எனப்படும் புனித நீராடல் நிகழ்ச்சி நடக்கும். இதற்காக கோவிலில் இருந்து அருகில் உள்ள கடற்கரைக்கு சுவாமி ஊர்வலம் செல்லும். இந்த ஊர்வலம் திருவனந்தபுரம் விமான நிலைய, ரன்வே வழியாக செல்வது வழக்கம். இந்த ஆண்டு இந்த ஊர்வலம் இன்று மாலை 4 மணி முதல் இரவு 9 மணி வரை நடக்கிறது. இதற்காக ஏர்போர்ட் 5 மணி நேரம் மூடப்படுகிறது. 
இதுகுறித்த தகவல்கள் அனைத்து விமான நிறுவனங்களுக்கும் ஏற்கனவே தெரிவிக்கப்பட்டுவிட்டதால் அந்த நேரத்தில் திருவனந்தபுரத்துக்கு விமானங்கள் வராது. அங்கிருந்தும் விமானங்கள் செல்லாது என்று தெரிவிக்கப்பட்டுள்ளது.

சற்று முன்



எடிட்டர் சாய்ஸ்