[X] Close

வாயை மூடிட்டு இருக்கணும்: ஸ்டோக்சை எச்சரித்த சாமுவேல்ஸ்

Zip-it-or-pay-the-price--Samuels-tells-Stokes

’வாயை மூடிக்கிட்டு இருக்கணும், இல்லைன்னா அதுக்கான விலையை கொடுக்க வேண்டி வரும்’ என்று இங்கிலாந்து வீரர் பென் ஸ்டோக்சை எச்சரித்ததாக வெஸ்ட் இண்டீஸ் கிரிக்கெட் வீரர் சாமுவேல்ஸ் கூறியுள்ளார்.

இங்கிலாந்து கிரிக்கெட் அணியின் ஆல் ரவுண்டர் பென் ஸ்டோக்ஸ். இவருக்கும் வெஸ்ட் இண்டீஸ் அணியின் ஆல் ரவுண்டர் சாமுவேல்ஸ்-க்கும் அடிக்கடி முட்டிக்கொள்ளும். மைதானத்தில் முறைப்பதும் முனங்குவதும் வாடிக்கை. அப்படியென்ன இவர்களுக்குள் வாய்க்கால்- வரப்பு பஞ்சாயத்து?
அது 2015-ல் நடந்த சம்பவம். வெஸ்ட் இண்டீஸில் நடந்த டெஸ்ட் கிரிக்கெட்டில் ஸ்டோக்ஸ் அவுட் ஆகி வெளியேறும்போது, மைதானத்தில் இருந்த சாமுவேல்ஸ் ஸ்டைலாக அவருக்கு ஒரு சல்யூட் அடித்தார். அப்போது ஆரம்பித்தது பிரச்னை. இருவரும் முறைத்துக்கொண்டார்கள். பின் திட்டிக்கொண்டார்கள். பிறகு, டி20 உலகக் கோப்பை போட்டியின் போது கொல்கத்தா மைதானத்தில் தொடர்ந்தது இவர்களின் டிஷ்யூம். இதையடுத்து, ’எப்பப்பா சண்டை போடுவீங்க?’ என்று எதிர்பார்க்கத் தொடங்கிவிட்டார்கள் ரசிகர்களும்.

ஏன் இப்படி? என்று சாமுவேல்ஸிடம் கேட்டால், ‘நானா எதையும் சொல்ல மாட்டேன். அவரா ஆரம்பிச்சா, நான் விடமாட்டேன். ஒருவாட்டி, வாயை மூடிக்கிட்டு இருக்கணும், இல்லைன்னா அதுக்கான விலையை கொடுக்க வேண்டி வரும்னு சொல்லிட்டேன். அதுக்குப் பிறகு ஐபிஎல் போட்டிகள்ல ரெண்டு பேரும் சந்திச்சோம். எதுவும் சொல்லிக்கலை. இனி ஸ்டோக், அவர் பாதையில போவார்னு நம்பறேன். இல்லைன்னா, எங்கிட்டயும் இருக்கு விஷயங்கள்’ என்கிறார்.


Advertisement

விரைவில் இங்கிலாந்து-வெஸ்ட் இண்டீஸ் அணிகளுக்கிடையேயான ஒரு நாள் மற்றும் டி20 கிரிக்கெட் போட்டிகள் நடக்க இருக்கின்றன.

வெயிட் பண்ணுவோம்ல!

Advertisement:

Advertisement

Advertisement
[X] Close