[X] Close

'உனக்கு தோஷம் இருக்கு' - 22 சவரன் நகையை கொள்ளையடித்த பெண் கைது

தமிழ்நாடு

fake-witch-arrested-at-Kanyakumari

கன்னியாகுமரி மாவட்டம் நாகர்கோவிலில் தோஷம் கழிப்பதாக கூறி 22 சவரன் தங்க நகைகளை அபகரித்த போலி பெண் மந்திரவாதியை போலீசார் கைது செய்தனர்.

கன்னியாகுமரி மாவட்டம் ஒழுகினசேரிப் பகுதியை சேர்ந்தவர் கிரிஜா. இவருக்கு நாகர்கோவிலை அடுத்த வெட்டடூணிமடம் பகுதியைச் சேர்ந்த சுஜிதா (34) வுடன் பழக்கம் ஏற்பட்டது. அப்போது சுஜிதா தன்னை ஒரு சந்திவாய்ந்த சாமியார் போல காட்டிக்கொண்டுள்ளார். மேலும் கிரிஜாவிற்கு மாங்கல்ய தோஷம் உள்ளதாகவும், இதனால் உனது இரண்டு மகள்களுக்கு திருமணம் ஆகாது என்றும் பெண் மந்திரவாதி சுஜிதா கூறி உள்ளார். இதனை கேட்டு அதிர்ச்சி அடைந்த அந்த பெண் தனக்கு தோஷத்தை போக்க முடியுமா என கேட்டுள்ளார். அதற்காக பரிகாரமாக எதை வேண்டுமானாலும் தரத் தயார் என சுஜிதாவிடம் கூறியுள்ளார். இதனை சாதகமாக பயன்படுத்திக்கொண்ட சுஜிதா அந்தப் பெண்ணிடம் பரிகார பூஜை நடத்த வேண்டும் எனக் கூறி, அவ்வப்போது நகைகளை பெற்று கிட்டத்தட்ட, 22 பவுன் நகைகளை பெற்றுள்ளார்.


Advertisement

குறைந்த வட்டியில் நகை கடன் தர அனைத்து வங்கிகளும் முன் வருமா? | Dinamalar  Tamil News

பின்னர் பூஜை முடிந்து விட்டது என்று கூறி நகையை திருப்பிக் கொடுக்கும்போது போலி நகை கொடுத்ததாக தெரிகிறது. இதனை அடுத்து ஏமாற்றம் அடைந்த கிரிஜா நாகர்கோவில் வடசேரி காவல் நிலையத்தில் புகார் செய்தார். இதன் பேரில் போலீசார் வழக்கு பதிவு செய்து சுஜிதாவை கைது செய்தனர்.மேலும் அவர் போலி மந்திரவாதி எனவும், பலரிடம் ஏமாற்றி பணம் பறித்ததும் தெரியவந்தது. இதை அடுத்து கைது செய்யப்பட்ட சுஜிதாவிடம் இருந்து 22  பவுன் நகை மீட்கப்பட்டுள்ளது. மேலும் இவர் என்னென்ன மோசடியில் ஈடுபட்டுள்ளார் என்பது குறித்து போலீசார் விசாரணை நடத்தி வருகின்றனர். இந்த சம்பவம் அப்பகுதியில் பரபரப்பை ஏற்படுத்தி உள்ளது.


Advertisement

Advertisement

Advertisement
[X] Close