ரஜினி, கமல் அரசியலுக்கு வர மாட்டார்கள் - விஜயகாந்த்

01,Aug 2017 04:14 AM

Rajini-and-Kamal-will-not-come-to-politics---Vijayakanth

ரஜினிகாந்த் அரசியலுக்கு வருவது பற்றி பேசத்தான் செய்வார், ஆனால் வர மாட்டார் என்று தேமுதிக தலைவர் விஜயகாந்த் தெரிவித்துள்ளார்.

ஆங்கில நாளிதழ் ஒன்றுக்கு அளித்த பேட்டியில் தேமுதிக தலைவர் விஜயகாந்த் பேசியதாவது, ஒரே நேரத்தில் அரசியல், நடிப்பு என இரட்டைக் குதிரைகளில் பயணிப்பது கடினம் என ரஜினிகாந்த்தே தம்மிடம் கூறியிருப்பதாகவும் விஜயகாந்த் தெரிவித்துள்ளார்.

கமல்ஹாசனும் அரசியலுக்கு வர மாட்டார் என்று விஜயகாந்த் கூறினார். எனினும் லஞ்ச ஊழலுக்கு எதிராக கமல் கருத்து தெரிவிப்பதில் என்ன தவறு இருக்கிறது என்றும் விஜயகாந்த் கேள்வி எழுப்பினார். தமிழகத்தில் அரசு நிர்வாகம் மோசமடைந்து வருவதாகவும் பதவியை காத்துக் கொள்வதிலேயே ஆட்சியாளர்கள் குறியாக இருப்பதாகவும் விஜயகாந்த் தெரிவித்துள்ளார்.