Published : 27,Jul 2017 12:18 PM

திருநங்கைகளுக்குத் தடை: ட்ரம்புக்கு கண்டனம் தெரிவித்த ஃபேஸ்புக், கூகுள்

Ban-on-transgender--Facebook--Google

ராணுவத்தில் திருநங்கைகள் சேர்வதற்கு தடை விதித்த அமெரிக்க அதிபர் டொனால்ட் ட்ரம்பின் முடிவுக்கு ஆப்பிள், கூகுள் மற்றும் ஃபேஸ்புக் ஆகிய நிறுவனங்கள் கண்டனம் தெரிவித்துள்ளன. 

இதுதொடர்பாக ட்விட்டரில் பதிவிட்டுள்ள ஆப்பிள் நிறுவன தலைமை செயலதிகாரி டிம் குக், நாட்டுக்காக சேவை செய்யும் அனைவருக்கும் நாம் நன்றிக் கடன்பட்டுள்ளோம். இதில், யாருக்கு பாரபட்சம் காட்டினாலும், அது நமக்கே பின்னடைவு என்று பதிவிட்டுள்ளார். ராணுவத்தில் திருநங்கைகளின் பங்களிப்புக்கு நன்றி தெரிவித்துக் கொள்வதாக கூகுள் நிறுவன தலைமைச் செயலதிகாரி சுந்தர்பிச்சை தெரிவித்துள்ளார். மேலும், ராணுவத்தில் திருநங்கைகளும் பணியாற்ற அனுமதி அளிக்க வேண்டும் என்றும் சுந்தர் பிச்சை கேட்டுக்கொண்டிருக்கிறார். 

திருநங்கைகளுக்கு ஆதரவாகக் கருத்து தெரிவித்துள்ள ஃபேஸ்புக் நிறுவனர் மார்க் ஸக்கர்பெர்க், நாட்டுக்கு சேவை செய்ய அனைவருக்கும் உரிமை உண்டு என்று தெரிவித்துள்ளார். 

முன்னாள் அமெரிக்க அதிபரான பராக் ஒபமா, ராணுவத்தில் திருநங்கைகளும் பணிபுரியும் வகையில் புதிய சட்டத் திருத்தம் கொண்டு வந்திருந்தார். இந்த சட்டத்தை மாற்ற உள்ளதாகக் கூறியுள்ள தற்போதைய அதிபர் டொனால்ட் ட்ரம்ப், திருநங்கைகள் ராணுவத்தில் பணிபுரிய அனுமதி இல்லை என்று அறிவித்துள்ளார். ட்ரம்ப்பின் இந்த அறிவிப்புக்கு எதிராக அமெரிக்காவின் பல்வேறு பகுதிகளிலும் போராட்டங்கள் நடத்தப்பட்டு வருகின்றன. 
 

சற்று முன்



எடிட்டர் சாய்ஸ்