[X] Close

வளிமண்டல சுழற்சி: தமிழகத்தின் 16 மாவட்டங்களுக்கு மழைக்கு வாய்ப்பு

தமிழ்நாடு

Heavy-rainfall-predicted-in-16-districts-of-Tamil-Nadu

மகாராஷ்டிரா முதல் தென் தமிழக கடலோர பகுதி வரை நிலவும் வளிமண்டல சுழற்சி காரணமாக, 16 மாவட்டங்களில் லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.


Advertisement

மேற்கு தொடர்ச்சி மலை ஒட்டிய மாவட்டங்களான சேலம், தருமபுரி, கிருஷ்ணகிரி, ஈரோடு, நீலகிரி, திருப்பூர், திருப்பத்தூர், மதுரை, தேனி, திண்டுக்கல், கரூர், நாமக்கல், திருச்சி, திருநெல்வேலி, தென்காசி மற்றும் கன்னியகுமாரி மாவட்டங்களில் ஓரிரு இடங்களில் இடி மின்னலுடன் கூடிய லேசானது முதல் மிதமானது வரையிலான மழை பெய்யக்கூடும் என தெரிவிக்கப்பட்டுள்ளது.

ஏனைய மாவட்டங்கள் மற்றும் புதுச்சேரி, காரைக்கால் பகுதிகளில் பெரும்பாலும் வறண்ட வானிலையே நிலவும் என வானிலை ஆய்வு மையம் தெரிவித்துள்ளது. கடலோர மாவட்டங்களில் காற்றில் ஒப்பு ஈரப்பதம் காரணமாக, இயல்பான வெப்பநிலையானது 4 முதல் 5 டிகிரி செல்சியஸ் வரை அதிகமாக உணரப்படும் என தெரிவிக்கப்பட்டுள்ளது.


Advertisement

சென்னையை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும் என வானிலை ஆய்வு மையம் கூறியுள்ளது. கடந்த 24மணி நேரத்தில் திருப்பத்தூர் மாவட்டம் ஏலகிரியில் 3சென்டி மீட்டர் மழை பதிவாகியுள்ளது.


Advertisement

Advertisement
[X] Close