[X] Close >

வாழ்வாதாரத்தை இழந்த கலைஞர்களுக்கு துணைபுரியும் தேர்தல் களம்!

Tamil-Nadu-Elections-and-Artists

கொரோனா காரணமாக வாழ்வாதாரத்தை இழந்த கலைஞர்களுக்கு, தமிழகத்தின் தேர்தல் களத்தால் நம்பிக்கை பிறந்திருக்கிறது.


Advertisement

கடந்த ஓராண்டு காலமாக கொரோனா வைரஸ் பாதிப்பு, உலக மக்களை பெரும் துயரத்திற்கும் இன்னலுக்கும் ஆளாக்கியுள்ளது, ஒவ்வொரு துறையிலும் மிகப்பெரிய சரிவுகளை கண்டுள்ளது, அதிலும், நாட்டுப்புறக் கலைஞர்களின் நிலை, மிகவும் கவலை அளிக்கக்கூடிய வகையில் இருக்கிறது. அரசு அவர்களுக்கான நிவாரண உதவி செய்தாலும், வருவாய் பற்றாக்குறை காரணமாக வாழ்வாதாரத்துக்கு வழியின்றி அவர்கள் தவித்து வந்தனர்.

இந்தச் சூழலில்தான் தமிழக சட்டப்பேரவைத் தேர்தல் களம், அவர்களுக்கு உறுதுணைக் கரம் நீட்டியிருக்கிறது. இந்தத் தேர்தலில் ஒவ்வொரு கட்சியும் ஒவ்வொரு மாதிரியாக தங்களது பரப்புரையை மேற்கொண்டு வருகிறது. அதில் நாட்டுப்புறக் கலைஞர்களும் பயன்படுத்தப்பட்டு வருகின்றனர்.


Advertisement

image

இதேபோல், வேட்புமனு தாக்கல் நிகழ்விலும் இவர்களுக்கு வாய்ப்புகள் கிடைத்துள்ளன. பெரும்பாலான கட்சிகள் வேட்புமனுத் தாக்கலை நிறைவு செய்திருக்கிறது. நாளை ஒருநாள் மட்டுமே வேட்புமனு தாக்கலுக்கு அவகாசம் எஞ்சியுள்ளது.

பெரும்பாலான வேட்பாளர்களும் தங்களது வேட்புமனு தாக்கல் 'வைபவம்' சிறப்பாக அரங்கேற, இந்த நாட்டுப்புற கலைஞர்களை அதிக அளவில் பயன்படுத்துகிறார்கள். கரகாட்டம், மயிலாட்டம், ஒயிலாட்டம், மேளதாளங்கள் போன்ற நிகழ்ச்சிகள் ஆங்காங்கே நடைபெற்று வருவதைப் பார்க்க முடிகிறது. இது, தேர்தல் பரப்புரை முடியும் வரை தொடரும் என்பது உறுதி. இதனால், இந்தக் கலைஞர்களுக்கு வருவாயும் கிடைக்கப் பெறுகிறது.


Advertisement

ஓராண்டு காலமாக முடங்கிப்போன இவர்களது வாழ்வாதாரம், இந்தத் தேர்தலின்போது அரசியல் கட்சிகள் தங்களை அழைத்து வேலை தருவதால் வெகுவாக மீண்டுள்ளதாக நம்பிக்கை தெரிவிக்கின்றனர்.

- ரா.சுபாஷ் பிரபு

Advertisement:

Advertisement

Advertisement

Advertisement
[X] Close