"உங்கள் வார்த்தைக்கு கட்டுப்பட்டு காத்திருக்கிறோம் தல" அஜித் ரசிகர்கள் ஒட்டியுள்ள போஸ்டர்

'உங்களது வார்த்தைக்கு கட்டுப்பட்டு காத்திருக்கிறோம் தல' என மதுரையில் அஜித் ரசிகர்கள் சுவரொட்டிகள் ஒட்டியுள்ளனர்.

நடிகர் அஜித் நேற்று வெளியிட்ட அறிக்கையில், " கடந்த சில நாட்களாக எனது ரசிகர்கள் என்ற பெயரில் தான் நடித்துக் கொண்டிருக்கும் வலிமை திரைப்படத்தின் அப்டேட் கேட்டு அரசு, அரசியல், விளையாட்டு போன்ற இடங்களில் சிலர் செய்து வரும் செயல்கள் என்னை மனம் வருந்தச் செய்துள்ளது. படம் குறித்த செய்திகள் உரிய நேரத்தில் வரும். அது குறித்து பட தயாரிப்பாளருடன் ஒருங்கிணைந்து முடிவு செய்ய உள்ளேன். அதுவரை பொறுமையாக காத்திருக்க வேண்டும்.

உங்களுக்கு சினிமா பொழுதுபோக்கு. ஆனால் எனக்கு அது தொழில். நான் எடுக்கும் முடிவுகள் சினிமா மற்றும் சமூக நலம் சார்ந்தவையாக இருக்கும்" என தெரிவித்திருந்தார்.

இந்நிலையில் அஜித்தின் அறிவுறுத்தலை ஏற்கும் வகையில் மதுரையில் அவரது ரசிகர்கள் "உங்களது வார்த்தைக்கு கட்டுப்பட்டு காத்திருக்கிறோம் தல" என்ற வாசகத்ததுடன் பல்வேறு இடங்களில் சுவரொட்டிகளை ஒட்டியுள்ளனர்.