ரூ.6,999க்கு ஸ்மார்ட்போன்.. போதுமான சிறப்பம்சங்கள் - அதிரடி காட்டும் சாம்சங்!

சாம்சங் நிறுவனம் தனது பட்ஜெட் மாடலான Galaxy M02 போனை அறிமுகம் செய்துள்ளது

இந்தியாவில் தனக்கென ஒரு மார்கெட்டை வைத்திருக்கும் சாம்சங் நிறுவனம் அவ்வப்போது பட்ஜெட் போன்களையும் அறிமுகம் செய்து வருகிறது.கடந்த வருடம் ஜூன் மாதம் Galaxy M01 மாடலை அறிமுகம் செய்த சாம்சங் தற்போது Galaxy M02 மாடலை அறிமுகம் செய்துள்ளது. இந்த மாடல் Poco C3, Redmi 9, Realme C15 மற்றும் Micromax In 1b ஆகிய போன் மாடல்களுக்கு போட்டியாக களம் இறங்குகிறது.

சாம்சங் Galaxy M02 மாடலின் சிறப்பம்சங்கள்:

6.50 இன்ச் டிஸ்பிளே கொண்டதாக இருக்கிஅது. MediaTek MT6739 பிராசஸர், 5 மெகாபிக்சஸ் முன்பக்க கேமரா. 13+2 மெகா பிக்சல்கள் கொண்ட இரண்டு பின்புற கேமராக்கள், 2ஜிபி ரேம் ஆகியவற்றை கொண்டுள்ளது. 5000mAh பேட்டரி கெபாசிட்டி கொண்டுள்ளதால் நீண்ட நேரம் சார்ச் தாங்கும் என எதிர்பார்க்கப்படுகிறது. இது Android 10 மாடலை கொண்டுள்ளது.

2GB + 32GB கொண்ட மாடல் ரூ.6999க்கும், 3GB + 32GB மாடல் ரூ.7499க்கும் விற்பனையாகிறது. இது கருப்பு, நீலம்,பழுப்பு,சிவப்பு நிறங்களில் கிடைக்கிறது. ரூ.10ஆயிரத்துக்குள்ளான போன் என்பதால் பட்ஜெட் ஸ்மார்ட்போனை விரும்புபவர்களுக்கு Galaxy M02 நல்ல தேர்வாக இருக்குமென எதிர்பார்க்கப்படுகிறது.