முதலில் ஐடி வேலை; பின் இயற்கை விவசாயம்; இன்றோ பஞ்சாயத்து தலைவர்.. அசத்திய பெண்.!

india-s-first-5g-video-call-demoed-by-ericsson-qualcomm-at-imc

ஐடி வேலையை துறந்து இயற்கை விவசாயம் செய்து வந்த பெண் பஞ்சாயத்து தேர்தலில் வெற்றி பெற்றார்


Advertisement

திருவள்ளூர் மாவட்டம் ஆவடி அருகேயுள்ளது பண்டேஸ்வரம் கிராமம். இந்தக் கிராமத்துக்கான பஞ்சாயத்து தேர்தலில் சுயேச்சையாக போட்டியிட்டவர் ரேகா ராமு (37). சென்னையில் சில ஐடி நிறுவனங்களில் வேலை பார்த்த ரேகா, பின்னர் தன் வேலையை துறந்து இயற்கை விவசாயத்தில் இறங்கினார்.

கணவர் பார்த்தசாரதியுடன் விவசாயத்தில் இறங்கிய ரேகா உள்ளூர் விவசாயிகளுக்கும் உதவி செய்து வந்துள்ளார். விவசாயிகளின் உற்பத்தியை கொள்முதல் செய்து ஃபார்மர்ஸ் அன் கோ என்ற நிறுவனம் மூலம் சந்தைகளில் விற்பனை செய்து வந்துள்ளார்.


Advertisement

 

தங்களது உற்பத்தி பொருட்கள் மட்டுமின்றி உள்ளூர் விவசாயிகளுக்கும் உதவியதால் ரேகாவுக்கு நல்ல வரவேற்பு இருந்துள்ளது. 3 வருடங்களுக்கு
முன்பே தேர்தலில் போட்டியிட வேண்டும் என்று முடிவெடுத்த ரேகா, கடந்த உள்ளாட்சி தேர்தலில் சுயேச்சையாக போட்டியிட்டு 265 ஓட்டுகள்
வித்தியாசத்தில் வெற்றி பெற்றார். பிரதான கட்சியான திமுக, அதிமுக வேட்பாளர்களை ரேகா தோற்கடித்துள்ளார் என்பது குறிப்பிடத்தக்கது.


Advertisement

சிஏஏ எதிர்ப்பு பேரணியின்போது நொடிப்பொழுதில் ஆம்புலன்ஸுக்கு வழி: வைரல் வீடியோ!  


இது குறித்து டைம்ஸ் ஆப் இந்தியா நாளிதழுக்கு பேட்டியளித்துள்ள ரேகா, நான் கிராமத்தில் அடிப்படையிலான சில சேவைகளை செய்து வருகிறேன். கிராமத்தில் எந்த வேலையை தொடங்க வேண்டுமென்றாலும் ஊராட்சி மன்ற தலைவரின் ஒப்புதல் தேவைப்பட்டது. அப்போது தான் தேர்தலில் ஏன் நானே போட்டியிடக்கூடாது என்று யோசித்தேன் என்று தெரிவித்துள்ளார். பல வருடங்களாக கிராமத்தில் வசித்து வரும் ரேகாவின் கணவரான பார்த்தசாரதியின் குடும்பம், கிராமத்தில் உள்ள சில பிரச்னைகளை பட்டியலிட்டுள்ளது.

ஆற்று மணல் திருட்டு, ரேஷன் பொருட்களில் ஊழல், உள்ளூர் சந்தைகளிலேயே காய்கறிகள் பற்றாக்குறை உள்ளிட்ட சில அடிப்படை பிரச்னைகள் உள்ளதாகவும் பிரச்னைகள் மீது கவனம் செலுத்தப்பட்டு கிராமத்தின் வளர்ச்சிக்கு உதவ போவதாகவும் ரேகா-பார்த்தசாரதி தம்பதி தெரிவித்துள்ளனர்.

 

loading...

Advertisement

Advertisement

Advertisement