இன்று விண்ணில் பாய்கிறது பி‌எஸ்எல்வி சி-48

india-s-first-5g-video-call-demoed-by-ericsson-qualcomm-at-imc

இந்திய விண்வெளி ஆய்வு மையமான இஸ்ரோ, பிஎஸ்எல்வி வகை ராக்கெட்டின் 50 ஆவது ராக்கெட்டான பி‌.எஸ்.எல்.வி. 48 ராக்கெட்டை இன்று விண்ணில் செலுத்துகிறது.


Advertisement

நாட்டின் பாதுகாப்பு, இயற்கை வளங்களை கண்டறிதல் உள்ளிட்ட ஆய்வுகளுக்காக ரீசாட் 2பிஆர் 1 என்ற செயற்கைக்கோளை இஸ்ரோ தயாரித்துள்ளது. 628 கிலோ எடைகொண்ட இந்த செயற்கைகோள் ஆந்திர மாநிலம் ஸ்ரீஹரிகோட்டாவிலுள்ள சதீஷ் தவான் விண்வெளி ஆய்வு மையத்திலுள்ள 1 ஆவது ஏவுதளத்திலிருந்து ஏவப்படுகிறது. இந்தச் செயற்கைக் கோள் பி.எஸ்.எல்.வி சி-48 மூலம்  இன்று மாலை 3.25 மணிக்கு விண்ணில் ஏவப்படவுள்ளது. 


Advertisement

ராக்கெட்டில் எரிபொருள் நிரப்பும் பணி நிறைவடைந்ததையடுத்து இறுதிக்கட்ட பணியான கவுண்டவுன் தொடங்கியுள்ளது. இஸ்ரேல், ஜப்பான், இத்தாலி ஆகிய நாடுகளை சேர்ந்த தலா 1செயற்கைகோள் மற்றும் அமெரிக்காவின் 6 செயற்கைகோள்கள் இந்த ராக்கெட்டில் வைத்து அனுப்பப்படவுள்ளன. விண்ணில் ஏவப்பட்ட 16 நிமிடங்களிலேயே பி.எஸ்.எல்.வி சி 48 ராக்கெட்டிலிருந்து ரீசாட் 2பிஆர் 1 செயற்கைக்கோள் பிரிந்து, பூமியிலிருந்து 576 கிலோமீட்டர் சுற்றுப்பாதையில் நிலைநிறுத்தப்படும் என இஸ்ரோ விஞ்ஞானிகள் தெரிவித்துள்ளனர். 

இதுவரை வெளிநாடுகளை சேர்ந்த 130 செயற்கைகோள்களை இஸ்ரோ விண்ணில் நிலைநிறுத்தியுள்ளது. இது ஸ்ரீஹரிகோட்டாவிலிருந்து விண்ணில் பாயும் 75 ஆவது ராக்கெட் ஆகும். 


Advertisement
loading...

Advertisement

Advertisement

Advertisement