இன்றைய முக்கியச் செய்திகள்..!

உலகக் கோப்பை கிரிக்கெட் தொடரில் நேற்று நடைபெற்ற போட்டியில் வங்கதேச அணியை பாகிஸ்தான் அணி வீழ்த்தியது. இருப்பினும் அரையிறுதி வாய்ப்பை இழந்து உலகக்கோப்பை தொடரில் இருந்து வெளியேறியது.

தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்தி வைக்கப்பட்டுள்ளது. இதனால், மாநிலங்களவைத் தேர்தலில் போட்டியிடுவதில் சிக்கல் இல்லை என்பதால் இன்று மனுத்தாக்கல் செய்கிறார்.

நளினிக்கு ஒரு மாதம் பரோல் அளித்து சென்னை உயர்நீதிமன்றம் உத்தரவிட்டுள்ளது. லண்டனில் உள்ள மகளுடைய திருமண ஏற்பாடுகளை செய்யவும் அனுமதி அளித்துள்ளது.

நாட்டின்‌‌ வளர்ச்சிக்கும், எதிர்காலத்துக்குமான பட்ஜெட் என பிரதமர் நரேந்திர மோடி பாராட்டு தெரிவித்துள்ளார். அதேசமயம், மக்களிடம் இருந்து எதையோ பாஜக அரசு மறைக்கப் பார்ப்பதாக ப.சிதம்பரம் விமர்சனம் செய்துள்ளார்.

நிர்மலா சீதாராமன் தாக்கல் செய்த பட்ஜெட்டில், கலால் வரி உயர்த்தப்பட்டதால் பெட்ரோல், டீசல் விலை இரண்டரை ரூபாய் வரை உயருகிறது.